Daśviedčany turystyčny hid pajšoŭ u adzinočny pachod u Aŭstralii, zvaliŭsia ŭ vadaspad i pałamaŭ nahu i ruku. Pra heta paviedamlaje ABC News.
54-hadovy žychar Bryśbiena Nił Parkier adpraviŭsia ŭ nacyjanalny park Cabbage Tree Creek, kab padniacca na vadaspad. Kali jon pačaŭ leźci pa skale, jaho naha saśliznuła z kamienia i jon pavaliŭsia ŭ ručaj.
U vyniku padzieńnia Parkier złamaŭ nahu i zapiaście i jamu daviałosia samomu akazvać sabie pieršuju dapamohu, a zatym zrabić usio, kab ratavalniki mahli jaho adšukać.
«Ja nieadnarazova ŭdzielničaŭ u vyratavalnych apieracyjach i viedaŭ, što mnie treba paŭźci na adkrytuju prastoru. Ja prykładna ŭjaŭlaŭ, dzie znachodžusia, i razumieŭ, što tam mianie sapraŭdy nichto b nie znajšoŭ », — uspaminaje mužčyna.
Paśla hetaha Parkier na praciahu dvuch dzion poŭz da adkrytaj palany i ciahnuŭ złamanuju nahu za saboj, pierasoŭvajučy jaje rukami. Jamu davodziłasia vyžyvać, siłkujučysia žmieńkaj arechaŭ, prateinavymi batončykami, jakija byli raźličany ŭsiaho na trochhadzinny pachod.
U vyniku vyratavalnaja hrupa vyjaviła paciarpiełaha turysta i dastaviła jaho ŭ balnicu. Lekary byli šakavanyja historyjaj Parkiera i skazali, što nikoli raniej nie sutykalisia z padobnym.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»29
Kamientary