Kiraŭnik MZS Niamieččyny: Praciah demakratyčnych reform — umova
pačatku narmalizacyi adnosinaŭ miž Biełaruśsiu i ES.
Praciah demakratyčnych reform zastajecca ŭmovaj pačatku narmalizacyi adnosinaŭ pamiž Biełaruśsiu i ES i poŭnaj admieny sankcyj.Pra heta 11 lutaha zajaviŭ kiraŭnik MZS FRH Frank‑Valter Štajnmajer pa vynikach sustrečy sa svaim biełaruskim kaleham Siarhiejem Martynavym.
Jak paviedamlaje pres‑słužba MZS Hiermanii, hałoŭnaj temaj sustrečy stali dvuchbakovyja adnosiny, a taksama adnosiny pamiž Biełaruśsiu i ES. «Ja vitaju tyja kroki ŭ kirunku reform, jakija ciaham apošnich tydniaŭ i miesiacaŭ zrabili biełaruskija ŭłady. Ciapier važna, kab hetyja pačynańni pieraraśli va ŭstojlivy praces», — zajaviŭ hiermanski ministr.
Jon ličyć, što novaja palityka ES «Uschodniaje partniorstva» «daść novyja mahčymaści, u tym liku Biełarusi».
«Ad biełaruskich uładaŭ zaležyć, ci zmoža kraina imi skarystacca», — padkreśliŭ kiraŭnik MZS FRH.
F.‑V.Štajnmajer taksama pryvitaŭ toj fakt, što Biełaruś stała 76‑j krainaj — členam Mižnarodnaha ahienctva pa adnaŭlalnych krynicach enierhii (International Renewable Energy Agency — IRENA). Siońnia ŭ Bierlinie S.Martynaŭ pastaviŭ svoj podpis pad statutnym pahadnieńniem hetaj arhanizacyi.
Vizit ministra zamiežnych spraŭ Biełarusi ŭ Hiermaniju na takim uzroŭni — pieršy za apošnija 14 hadoŭ, źviartaje ŭvahu pres‑słužba MZS FRH.
Padčas vizitu kiraŭnika biełaruskaha MZS (jon prachodzić 10—12 lutaha) zapłanavanyja pieramovy z premjer‑ministram fiederalnaj ziamli Brandenburh Matyjasam Płatcekam. Martynaŭ taksama sustreniecca z kiraŭnictvam Uschodniaha kamiteta niamieckaj ekanomiki i pradstaŭnikami palityčnych i dziełavych kołaŭ Hiermanii. Na hetych sustrečach buduć abmiarkoŭvacca pierśpiektyŭnyja kirunki supracoŭnictva dźviuch krain z akcentam na handlova‑ekanamičny składnik.
U prahramie vizitu taksama praduhledžany vystupleńnie Martynava z dakładam u Hiermanskim tavarystvie źniešniaj palityki ab budučym dyjałohu Biełaruś — ES i sustreča ź viadučymi hiermanskimi ekśpiertami, pradstaŭnikami deputackaha korpusa i fiederalnych viedamstvaŭ.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary