Alaksandr Łukašenka źviartaje ŭvahu na niedapuščalnaść zanadta vialikaj nahruzki na dziaciej u škołach, asabliva damašnimi zadańniami. Pra heta jon zajaviŭ siońnia, prymajučy z dakładam ministra adukacyi Ihara Karpienku, piša BiełTA.
«Nakont nahruzak u škole ja ŭžo kazaŭ: nam treba rabić tak, kab dzietki, asabliva ŭ škołach, atrymlivali viedy na ŭrokach, a dašlifoŭvali pry vykanańni damašnich zadańniaŭ. U VNU — zusim inšaja sprava. Tam inšaja sprava, bo tam čałaviek pryjšoŭ na svoj profil. Jon da hetaha schilny, jamu lahčej budzie vučycca, — skazaŭ kiraŭnik dziaržavy. — A tut u vučnia ŭsio — ad matematyki da humanitarnych, techničnych pradmietaŭ. Niama takich dziaciej, jakija va ŭsich hetych navukach adnolkava raźbirajucca».
«Na heta taksama treba źviartać uvahu i nie pierahružać dziaciej, asabliva doma. Nie treba, kab jany 5-6 hadzin adpracavali ŭ škole, i jašče stolki ž doma. Heta nienarmalna. My kalečym dziaciej», — padkreśliŭ biełaruski kiraŭnik.
Kamientary