25 lipienia 2019 hoda na Alascy zahinuła 24-hadovaja biełaruskaja režysiorka Nika Nikanava. Razam z mužam, aktyvistam Piatrom Markiełavym, jana pierachodziła cieraz raku Tekłanika, ale płyń źbiła dziaŭčynu z noh.
Ciapier stała viadoma, što Markiełaŭ, mahčyma, paŭdzielničaje ŭ budaŭnictvie mosta cieraz raku, dzie zahinuła jaho žonka.
Na bierazie Tekłaniki staić zakinuty aŭtobus, da jakoha pieryjadyčna pryjazdžaje moładź z usiaho śvietu. Jon staŭ viadomy dziakujučy knizie, a paśla i filmu «U dzikich umovach» (jon raskazvaje realnuju historyju pra Krysa Makendlesa, amierykanskaha chłopca z zabiaśpiečanaj siamji, jaki adpraviŭsia ŭ hłuchi rajon Alaski, pasialiŭsia tam u aŭtobusie, a praz čatyry miesiacy zahinuŭ ad źniasileńnia). Toj aŭtobus i vyrašyli naviedać Markiełaŭ i Nikanava. Skončyłasia historyja taksama trahična.
Ciapier, pa słovach Markiełava, ź im źviazałasia maci dziaŭčyny, jakaja zahinuła ŭ toj ža race 9 hadoŭ tamu. Abmiarkoŭvajecca pytańnie pabudovy mosta.
«My pierapisvajemsia, abmiarkoŭvajem, jak heta ŭsio lepš zrabić», — kaža Markiełaŭ.
Hrašovyja sumy, techničnyja detali pakul jašče nie viadomyja. U budoŭli, mahčyma, mohuć uziać udzieł i svajaki taho samaha Makendlesa, i, moža być, aŭtary knihi i filma pra jaho.
Paśla śmierci Nikanavaj abviaścili zbor hrošaj na vydatki, źviazanyja ź jaje pachavańniem. Naźbirałasia trochi bolš za 22 tysiačy dalaraŭ. Cieła Nikanavaj kremiravali ŭ ZŠA. Prach pryvieźli ŭ Biełaruś.
«Sustreča pamiaci Niki projdzie 20 žniŭnia u carkvie, kudy jana chadziła. 21 žniŭnia budzie jašče adna sustreča na «Chacie 1863», — paviedamiŭ Markiełaŭ. — Pachavańnie — heta nie toje, što ludziam cikava, heta prosta praces źmiaščeńnia prachu ŭ ziamlu. Ja nie viedaju, čamu heta ŭsich tak cikavić, i nie viedaju, kali budzie adbyvacca hetaje pachavańnie. A sustreča pamiaci — heta bolš važna, ludzi mohuć padzialicca historyjami, uzhadać razam čałavieka».
Kolki hrošaj syšło na ŭsie pracedury i kolki zastałosia, Markiełaŭ, pa jaho słovach, nie viedaje. Kaža, zajmaŭsia hetym nie jon, a maci Niki.
Ale reštu sabranych hrošaj Markiełaŭ abiacaje vydatkavać na skančeńnie dakumientalnaha filma «Pakaleńnie 328», jaki źniała Nikanava. Film pryśviečany biełaruskim žančynam i ich dzieciam, asudžanym za raspaŭsiud narkotykaŭ.
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU11
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary