U Ivanaŭskim rajonie Bresckaj vobłaści 10—11 žniŭnia projdzie X Mižnarodny fiestyval falkłoru «Motalskija prysmaki», paviedamlaje BIEŁTA.
«Jubilejny fiestyval, tamu rychtujem šmat jarkich, vidoviščnych momantaŭ, tvorčych navinak. Da nas pryjeduć tvorčyja kalektyvy i majstry, jakija pradstaviać svaju tradycyjnuju kuchniu z roznych rehijonaŭ Biełarusi, a taksama Rasii, Ukrainy, Polščy, Izraila, Łatvii, upieršyniu — z Ałžyra. Prahrama vielmi nasyčanaja, dumaju, asabliva paciešyć pieršy dzień», — skazała kiraŭnica adździeła kultury rajvykankama Valancina Baradzinčyk. Handlovyja i vystavačnyja rady ŭ Motali raściahnucca na sotni mietraŭ, u hetym hodzie padali zajaŭki na ŭdzieł bolš za 250 majstroŭ.
Pačniecca fiestyval z kaściumavanaha šeścia pa vulicach ahraharadka, da jakoha dałučacca miascovyja žychary i hości. Pracesija finišuje la hałoŭnaj sceny. Tam adbudziecca ŭračystaja cyrymonija adkryćcia, vystupiać tvorčyja kalektyvy Janaŭskaha rajona, Bresckaj vobłaści i inšych biełaruskich rehijonaŭ.
U hety čas na placoŭcy kala Motalskaha muzieja narodnaj tvorčaści adbudziecca prezientacyja rehijanalnych abradaŭ. Možna budzie daviedacca, što saboj ujaŭlajuć daŭnija viasielnyja zvyčai, vielikodnyja, trajeckija i inšyja. Zatym hledačy zmohuć panazirać za ŭdzielnicami konkursu Mis-krasa «Motalskich prysmak», jakija na defile pradstaviać fiestyvalny kaścium i tradycyjnyja rehijanalnyja stravy. Taksama na hetaj placoŭcy ŭ muzyčnym battły syducca haściavyja kalektyvy.
Uviečary zaprašajuć na bal u Bony Sforcy, paŭdzielničać u majstar-kłasach i stancavać mazurku, pałaniez, polki. Amataraŭ estradnaj muzyki pryciahnie open air. Zavieršycca pieršy dzień śviata malaŭničym fiejervierkam.
Cikavaj budzie prahrama i 11 žniŭnia. U pryvatnaści, pradstaŭniki miascovych orhanaŭ ułady, zamiežnych delehacyj, navukoŭcy i ekśpierty padčas navukova-praktyčnaj kanfierencyi abmiarkujuć mahčymaści turyzmu jak drajviera ekanamičnaha i kulturnaha raźvićcia rehijonu. Fiškaj druhoha dnia stanie vialiki stoł Družby. Miascovyja haspadyńki pa svaich firmovych receptach pryhatujuć roznyja stravy: ź miasa, ryby, harodniny, desierty, napoi. Čakajecca, što zojmuć pačastunki bolš čym 40 stałoŭ.
Mižnarodny fiestyval «Motalskija prysmaki» ŭpieršyniu adbyŭsia ŭ 2008 hodzie, z 2015-ha jon prachodzić raz u dva hady.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary