Advakatka, jakuju abvinavacili ŭ zachoŭvańni zbroi, trapiła ŭ balnicu
Advakatka Viera Areška nie pryznała viny ŭ vydavańni tajny śledstva i zachoŭvańni zbroi, paviedamiŭ Radyjo Svaboda staršynia Minskaj haradskoj kalehii advakataŭ Alaksiej Švakaŭ napiaredadni čarhovaha pasiadžeńnia pracesu nad byłym hałoŭnym inžynieram MZKC Hałavačom.
Čytajcie taksama: Na advakatku dvojčy apraŭdanaha inžyniera MZKC zaviali spravu. A pry pieratrusie jašče i znajšli pistalet
Pavodle Švakava, ciapier Viera Areška, jakaja źjaŭlajecca jahonaj namieśnicaj u kiraŭnictvie kalehii advakataŭ, znachodzicca na lačeńni ŭ balnicy.
«Pieražytaje adbiłasia na jaje zdaroŭi. Ale my budziem joj dapamahać», — skazaŭ Alaksiej Švakaŭ. Pavodle jaho, miera strymańnia dla Viery Areški nie pryznačałasia.
Na advakatku zaviali spravu za vydavańnie tajny śledstva (art. 407 KK) i za zbroju (č. 2 art. 295 KK). Pieršy artykuł praduhledžvaje jak maksimalnaje pakarańnie štraf abo aryšt, a pa druhim mohuć asudzić na 7 hadoŭ turmy z kanfiskacyjaj majomaści.
Jak śćviardžaje HUBAZiK, žančyna raskryła źviestki z kryminalnaj spravy trecim asobam, kali pradstaŭlała intaresy Andreja Hałavača, byłoha hałoŭnaha inžyniera Mienskaha zavodu kołavych ciahačoŭ.
U čas papiaredniaha śledstva ŭ jaje praviali pieratrus i znajšli pistalet valter 1938 hoda, a taksama patrony da jaho. Vyśvietliłasia, što zbroja prydatnaja da stralby, a zakonnych padstavaŭ dla vałodańnia joju žančyna nie maje.
Kalehija advakataŭ u svaju čarhu zajaviła, što maje namier abaraniać kalehu. Hienieralny prakuror Biełarusi Alaksandr Kaniuk adznačyŭ, što zaviadzieńnie kryminalnaj spravy na advakata vyklikała naściarožanaść u jaho jak u sudździ.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary