Vajskovy parad u honar Dnia Niezaležnaści prajšoŭ u Minsku pry rekordnaj kolkaści hledačoŭ
Parad vojskaŭ Minskaha harnizona ŭ honar Dnia Niezaležnaści pačaŭsia ŭ biełaruskaj stalicy z pralotu avijacyi. U hetym hodzie na parad 3 Lipienia, jakoje prypadaje na sieradu, sabrałasia asabliva šmat hledačoŭ. Byŭ zapoŭnieny ŭvieś schił na praśpiekcie Pieramožcaŭ.
Zatym u paradnym strai prajšli 25 piešych paradnych raźlikaŭ, u tym liku ad vajskoŭcaŭ armii Rasii i Kitaja, hrupy ściahanoscaŭ ad Azierbajdžana, Armienii, Kazachstana, Kyrhyzstana, Tadžykistana, Uźbiekistana.
U paradzie biaruć udzieł try raźliki vajskovak-žančyn: dva ad Uzbrojenych Sił i adzin ad Ministerstva ŭnutranych spraŭ.
Upieršyniu ŭ paradnym strai — bajavyja ściahi partyzanskich farmiravańniaŭ časoŭ vajny.
Paśla bajavych ściahoŭ projdzie partyzanski paradny raźlik, jaki simvalizuje ŭsienarodny charaktar baraćby.
Miechanizavanuju kałonu, u składzie jakoj 25 raźlikaŭ, pa tradycyi ŭznačalić lehiendarny saviecki tank T-34.
Na paradzie pradstaŭleny ŭ asnoŭnym novyja abo madernizavanyja ŭzory: tanki T-72 roznych madyfikacyj, bajavyja mašyny piachoty BMP-2, bronietransparciory BTR-70MB1, BTR-80 i BTR-82A, bronieaŭtamabili «Drakon» i «Kajman», reaktyŭnaja sistema załpavaha ahniu «Pałanez» dy inšaja vajennaja technika.
Zavieršycca śviatočnaje šeście vojskaŭ Minskaha harnizona plac-paradam zvodnaj roty hanarovaj varty Minskaj vajskovaj kamiendatury. Usiaho ŭ vajskovym paradzie biaruć udzieł bolš jak 5 tysiač vajskoŭcaŭ, a ŭ składzie miechanizavanaj kałony bolš za 280 adzinak kołavaj i husieničnaj techniki, u pavietranym paradzie zadziejničany kala 50 samalotaŭ i viertalotaŭ.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty18
Kamientary