Čašu ahniu Jeŭrapiejskich hulniaŭ zapaliŭ Viktar Łukašenka FOTY
U paniadziełak uviečary «Połymia miru» — simvał II Jeŭrapiejskich hulniaŭ — uračysta prynieśli ŭ Minsk. Uračystaja cyrymonija prajšła na płoščy Dziaržaŭnaha ściaha. Joj papiaredničała vystupleńnie biełaruskich vykanaŭcaŭ: Alaksieja Chlastova, Sašy Niema, Julii Bykavaj, Natalli Tamieła, Hiermana, Iryny Darafiejevaj, Alaksandra Saładuchi, Ani Šarkunovaj, Vani Zdaniuka dy inš.
Na apošnich mietrach fakieł nieśli Darja Domračava, Alaksandr Bahdanovič i Maryna Arzamasava.
Na płoščy Dziaržaŭnaha ściaha połymia sustreli mer Minska Anatol Sivak, kiraŭnik Minsportu Siarhiej Kavalčuk i v.a. vice-prezidenta NAK Viktar Łukašenka. Jany i zapalili simvaličnuju čašu na płoščy Dziaržaŭnaha ściaha.
Zatym na scenie źjaviŭsia trochrazovy alimpijski čempijon Alaksandr Miadźviedź. Jon pieradaŭ połymia Ściapanu Papovu, Elviry Hierman i Volzie Mazuronak, ź jakich pačaŭsia finalny etap estafiety.
Adkryćcio II Jeŭrapiejskich hulniaŭ adbudziecca ŭ piatnicu, kali ahoń zapalać u čašy na stadyjonie «Dynama».
Siońnia ahoń praniasuć pa praśpiekcie Niezaležnaści, dzie jaho šlach pralaža ad Nacyjanalnaj biblijateki da Kastryčnickaj płoščy.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty19
Kamientary