Zatrymany namieśnik dyrektara pa ahulnych pytańniach minskaha «Śpieckambinata KBA», u padparadkavańni jakoha znachodziacca mohiłki stalicy, Siarhiej Rudy. Pra heta paviedamiła infarmavanaja krynica Tut.by.
Pa słovach surazmoŭcy partała, Siarhieja Rudaha zatrymali na minułym tydni pa padazreńni ŭ atrymańni chabaru.
U pryjomnaj u sieradu skazali, što 4 červienia Rudy jašče byŭ na pracy. U administracyi «Śpieckambinat KBA» 5 červienia paviedamili, što Rudoha na pracy niama, tamu što jon napisaŭ zajavu za svoj košt.
Śledčym kamitetam raspačata kryminalnaja sprava ŭ dačynieńni da namieśnika dyrektara KUP «Śpiecyjalizavany kambinat kamunalna-bytavoha absłuhoŭvańnia».
Pavodle śledstva, u lutym biahučaha hoda mužčyna pryniaŭ ad hramadzianina ŭ jakaści chabaru nie mienš za $800 za vyrašeńnie pytańnia. Supraćpraŭnyja dziejańni słužbovaj asoby byli vyjaŭleny supracoŭnikami milicyi ŭ vyniku praviadzieńnia apieratyŭna-vyšukovych mierapryjemstvaŭ.
Zaviedzienaja kryminalnaja sprava pa č.1 art.430 Kryminalnaha kodeksa (atrymańnie chabaru). Mužčyna zatrymany. Śledčymi pravodziacca śledčyja dziejańni ź jaho ŭdziełam.
Kamientary