Duraŭ paklikaŭ śpiecyjalistaŭ «Jandeksa» raźvivać navinavy servis u Telegram
Na dumku stvaralnika miesiendžara, Telegram moža stać placoŭkaj dla rekamiendacyi navin «biez palityčnaj cenzury» piša RBK.
Stvaralnik sacsietki «Ukantakcie» i miesiendžara Telegram Pavieł Duraŭ ŭ svaim ruskamoŭnym kanale źviarnuŭsia da supracoŭnikaŭ «Jandeksa», prapanavaŭšy im pierajści ŭ jaho kamandu i raźvivać servisy rekamiendacyi navin.
«U svoj čas my arhanizavali «Nojeŭ kaŭčeh» dla najlepšych raspracoŭščykaŭ «Ukantakcie», zaprasiŭšy ich na pracu ŭ Telegram. Sioleta my chočam dać taki ž šaniec raspracoŭščykam «Jandeksa», jakija zajmajucca servisami rekamiendacyi kantentu», — napisaŭ Duraŭ.
Jon nazvaŭ servis ahrehatara navinavych paviedamleńniaŭ «Jandieks.Novosti» ŭražalnym z techničnaha punkta hledžańnia, ale, na dumku Durava, toj «abmiežavany cenzuraj i ruskamoŭnym rynkam». Miesiendžar ža dazvalaje stvaryć padobnyja pa funkcyjanale hłabalnyja servisy «biez palityčnaj cenzury».
«U nas jość šaniec stvaryć pieršy ŭ historyi internetu efiektyŭny i svabodny ahrehatar navin», — ličyć Duraŭ.
Pradstaŭnik «Jandeksa» admoviŭsia ad kamientaroŭ RBK.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary