Prosim da stała! Łondanski Muziej Viktoryi i Albierta adsočvaje alternatyŭnyja i estetyčnyja trendy ŭ vytvorčaści praduktaŭ charčavańnia: ad hastranamičnych ekśpierymientaŭ da novych mahčymaściaŭ sielskaj haspadarki, piša DW.
Łozunh: ustojlivaje raźvićcio
Vystava ŭ Muziei Viktoryi i Albierta ŭ Łondanie pradstaŭlaje bolš za 70 prajektaŭ sučasnych mastakoŭ i dyzajnieraŭ, stvoranych u supracoŭnictvie z kucharami, fiermierami i navukoŭcami. Niekatoryja ekspanaty navat rastuć prama ŭ muziei. Naprykład, instalacyja GroCycle «Urban Mushroom Farm» («Haradskaja hrybnaja fierma») ź jadomych hryboŭ, što rastuć na kavavych adchodach.
Patrebnyja źmieny!
Aŭstryjski duet mastakoŭ honey & bunny ŭžo bolš za dziesiać hadoŭ nadaje ŭvahu temie praduktaŭ charčavańnia. U svaich pracach Sonia Štumierer (Sonja Stummerer) i Marcin Hablesrajtar (Martin Hablesreiter) pakazvajuć, što toje, što my jamo, vyznačajecca nie vypadkova, a našym kulturnym bekhraŭndam.
Kampastavać adchody možna pryhoža
Častka vystavy ŭ łondanskim muziei pryśviečana raznastajnym prajektam z kampastavańniem adchodaŭ i pieratvareńnie ich va ŭhnajeńni. Prajekt «Daily Dump» («Štodzionnaje śmiećcie») — heta sistema dla kampastavańnia, jakaja ŭžo paśpiachova vykarystoŭvajecca ŭ Indyi. Dla hetaha adchody, prydatnyja dla bijałahičnaj pierapracoŭki, składajucca ŭ terakotavyja harški ručnoj raboty.
Kaŭbasa z budučyni
Niderłandskaja dyzajnierka i daśledčyca Karalin Niblinh pracuje nad raspracoŭkaj alternatyŭ miasa. Jaje meta: pamienšyć spažyvańnie miasa. Vyniki prajekta «The Future Sausage» («Kaŭbasa z budučyni») zadakumientavała fatohrafka Naarćje Knulst. Na fotazdymkach, siarod inšaha, namalavanyja zapiečanyja ŭ formie kaŭbasy morkva, finiki, arechi i nasiakomyja.
Fruktovaja ściana
«Fallen Fruit» («Apałaja sadavina») — heta 12-mietrovaja špalera, vyrablenaja śpiecyjalna dla vystavy. Jana pakazvaje historyju miesca — raniej tut byŭ bahaty fruktovy sad.
Čałaviečy syr
U 2013 hodzie Kryścina Ahapakis i Sisel Tołaas pačali prajekt «Selfmade» («Zrobleny sam»), padčas jakoha jany stvarali sarty syru z bakteryj, vyniatych ź cieł znakamitaściaŭ.
Jadomaja vada
Płastyk — vialikaja nahruzka dla ekasistemy. Sama mieniej 150 000 000 ton płastyka trapiła ŭ suśvietny akijan. Kab źnizić jaho vykarystańnie i, adpaviedna, kolkaść śmiećcia, łondanskaja łabaratoryja «Skipping Rocks Lab» vynajšła sposab zachoŭvać vadu ŭ vyrablenaj z bahavińnia abałoncy.
Sacyjalnaja sielskaja haspadarka
«Company Drinks» («Sumiesnyja napoi») — heta mižkulturny prajekt na ŭschodzie Łondana, jaki abjadnoŭvaje pradstaŭnikoŭ roznych pakaleńniaŭ. U ramkach hetaha prajekta kožny achvočy moža dałučycca da vytvorčaści napojaŭ — ad zboru sadaviny i aharodniny da pierapracoŭki, zbytu i realizacyi. Naviedvalniki muzieja majuć mahčymaść aznajomicca z praduktami, vyrablenymi ŭ ramkach prajekta.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič33
Kamientary