Papieratvorčaść: u škołach ad baćkoŭ patrabujuć raśpisać płan, dzie buduć dzieci kožny dzień leta
Pierad letnimi kanikułami baćkoŭ tradycyjna prosiać napisać spravazdačy pra toje, dzie i z kim buduć dzieci ŭ hetyja miesiacy. Ale ŭ niekatorych ustanovach adukacyi heta dachodzić da absurdu. Sioleta ŭ adnoj z haradzienskich škoł baćkam daviałosia zapaŭniać płan na kožny dzień!
Pa słovach samich baćkoŭ, samaje strašnaje — napisać, što dzicia budzie doma. Bo tady jaho mohuć pryciahnuć u škołu. «My dva leta bilisia, kab dačku nie pryciahvali ŭ vyjazny łahier MUS, dzie pad kiraŭnictvam milicyi dziaciej vučać karysnym spravam», — padzialiłasia ŭ sacsietkach adna z mam.
«Ja pracavała ŭ adnoj haradzienskaj himnazii, tam nastaŭnikaŭ prymušali źbirać takuju infarmacyju pa tydniach. I nie daj Boh baćki napišuć, što dzicia doma! — napisała byłaja nastaŭnica. — Baćkam zadurać hałavu, vyklikajučy dzicia na raznastajnyja «motašna-sumnyja» mierapryjemstvy, «kab było zaniata»! Maje baćki, u vypadku kali dzicia doma, pisali, što ŭ babuli. Tady nichto nie dakałupvaŭsia. A ŭvohule čaściej za ŭsio takija štuki — vydumki miascovaj administracyi. Ad rajonnaha adździeła adukacyi pastupaje inšaja raznaradka».
Navošta ŭsio heta treba? Niemahčyma ž dakładna skazać, čym budzie zaniata dzicia praź miesiac u toj ci inšy kankretny dzień. Tym bolš za małych adkazvajuć mienavita baćki, a nie škoła i čynoŭniki.
«Naša Niva» źviarnułasia pa kamientar ŭ adździeł adukacyi Haradzienskaha harvykankama, kab daviedacca, čyja heta inicyjatyva i navošta škole padrabiaznyja spravazdačy na kožny dzień, ale adkazu tak i nie atrymała.
-
Franak Viačorka: U nas afihiennaja dyjaspara, ale nyćcio pra toje, što ŭsio kiepska, dematyvuje. My nie ŭmiejem pradavać pośpiechi
-
Troch polskich śviataroŭ vysłali ź Biełarusi
-
«Pry znajomstvie pradstaŭlałasia: «Maryna». Hutarka z byłoj hałoŭnaj redaktarkaj Tut.by, palitźniavolenaj i švačkaj homielskaj kałonii
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj25
Kamientary