Pierad pasiadžeńniem u parłamiencie žurnalisty pacikavilisia ŭ ministra ŭnutranych spraŭ Ihara Šunieviča, jak jon aceńvaje situacyju vakoł cyhanskaj dyjaspary ŭ Mahilovie paśla hibieli supracoŭnika DAI, piša Tut.by.
— Ja aceńvaju dziejańni svaich padnačalenych u hetaj častcy jak absalutna abhruntavanyja, jakija adpaviadajuć tym abstavinam, u jakich pravodziłasia raskryćcio hetaha asabliva ciažkaha złačynstva.
Byli padstavy i pryčyny, my adpracoŭvali asobnuju hrupu vyklučna na padstavie atrymanych na toj čas dokazaŭ. Krynicaj dokazaŭ była infarmacyja ad achviary, tamu niejkich sumnievaŭ u dakładnaści hetych dadzienych na toj momant u nas nie było, i my byli abaviazanyja pravieryć usie hetyja viersii, u tym liku i tuju, na jakoj było zasnavana rašeńnie ab praviercy dyjasparalnaj častki niekatorych našych hramadzian.
Pa słovach ministra, acenku zakonnaści dziejańniaŭ milicyi daść prakuratura.
— Kali buduć ustanoŭleny parušeńni, hatovyja ŭsie, u tym liku i ministr, adkazać pa zakonie za hetyja parušeńni.
Ihar Šunievič skazaŭ, što «ŭ ministra niama ni nahody, ni padstavaŭ prasić prabačeńnia ŭ cyhan».
Adkazvajučy na pytańni, ministr zaŭvažyŭ, što jaho nie raz sprabavali abvinavacić u ksienafobii.
— Heta marna. Ja razhladaju luboje svajo vykazvańnie z punktu hledžańnia vykanańnia svaich funkcyjanalnych abaviazkaŭ.
Apytanka
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1111
Kamientary