Ułada77

Łukašenka i Pucin «vielmi koratka» abmierkavali situacyju ź niajakasnaj naftaj. Pucin paabiacaŭ rasśledavańnie z pryciahnieńniem śpiecsłužb

Alaksandr Łukašenka i Uładzimir Pucin na palach forumu «Adzin pojas, adzin šlach» u Kitai abmierkavali situacyju z pastaŭkami niajakasnaj rasijskaj nafty, pieradaje RIA Novosti.

«Tak, my vielmi koratka abmianialisia dumkami pa hetaj spravie», — paviedamiŭ Pucin žurnalistam, adkazvajučy na ​​pytańnie ab tym, ci abmiarkoŭvałasia situacyja vakoł trubapravoda «Družba» ź lidaram Biełarusi na palach forumu «Adzin pojas, adzin šlach» u KNR.

Jak pieradaje TASS, Pucin paabiacaŭ pravieści rasśledavańnie z pryciahnieńniem śpiecsłužbaŭ pa trubapravodzie «Družba», kali karparatyŭnaha rasśledavańnia budzie mała.

«Dla taho kab zrazumieć, što tam adbyłosia, treba pravieści rasśledavańnie, — skazaŭ Uładzimir Pucin na pres-kanfierencyi pa vynikach vizitu ŭ KNR. — Pierš za ŭsio treba pravieści rasśledavańnie na ŭzroŭni samoj «Transnafty» i vyznačyć miesca, adkul patrapiła, pa jakich pryčynach, što patrapiła. Heta rasśledavańnie pravodzicca ciapier, kali niedastatkova budzie ŭnutrykarparatyŭnaha rasśledavańnia, ja nie vyklučaju, što my praviadziem i bolš dbajnaje, z dapamohaj pravaachoŭnych orhanaŭ i śpiecyjalnych słužb».

Jak pieradaje BIEŁTA, kiraŭnik Administracyi prezidenta Natalla Kačanava skazała žurnalistam, što paśla viartańnia z Kitaja Alaksandr Łukašenka pravioŭ ź joj sustreču.

«My abmiarkoŭvali pytańni pastaŭki niajakasnaj nafty na našy NPZ. Učora Alaksandr Łukašenka sustreŭsia z Uładzimiram Pucinym. Prezident Rasii zapeŭniŭ, što hetaje pytańnie budzie samym surjoznym čynam rasśledavana, jany daduć pryncypovuju acenku tamu, što adbyłosia. Spadziajemsia, što ŭsie pytańni buduć urehulavanyja adpaviedna tamu, jak zapeŭniŭ prezident Rasii», — skazała Natalla Kačanava.

19 krasavika kancern «Biełnaftachim» zajaviŭ pra «rezkaje paharšeńnie» jakaści rasijskaj nafty, jakaja pastupaje pa naftapravodzie «Družba».

22 krasavika na Mazyrskim NPZ zajavili, što praź niajakasnuju rasijskuju naftu sapsavałasia darahoje abstalavańnie.

23 krasavika rasijskaja nafta z pavyšanym utrymańniem chłorarhaničnych złučeńniaŭ pačała pastupać u Jeŭropu i Ukrainu.

26 krasavika rasijskaja «Transnafta» zajaviła, što zabrudžvańnie nafty ŭ trubapravodzie «Družba» było naŭmysnym. Niajakasnaja nafta była ŭkinutaja ŭ trubapravod «Družba» praz pryvatny «Samaratransnaftaterminał», jaki absłuhoŭvaje niekalki małych vytvorcaŭ. Samarskaja kampanija adkazała, što vuzieł źlivu, praź jaki ŭ naftapravod adbyłosia ŭkidvańnie nafty z pavyšanym utrymańniem chłorarhaničnych złučeńniaŭ, pradali ŭ 2017 hodzie. U Rasii zaviali kryminalnuju spravu.

Kamientary7

Ciapier čytajuć

Na trasie pad Minskam kiroŭca źbiŭ maładoha tryjatłanista i ŭciok, pakinuŭšy chłopca pamirać1

Na trasie pad Minskam kiroŭca źbiŭ maładoha tryjatłanista i ŭciok, pakinuŭšy chłopca pamirać

Usie naviny →
Usie naviny

27-hadovy vahnieraviec z Pastaŭ viarnuŭsia z vajny i hatovy być «mužam na hadzinu»17

Ukrainskija drony atakavali naftapierapracoŭčy zavod u Komi — za 2 tysiačy km ad Ukrainy4

Elitny dom z 2010-ch. Kolki ciapier tam kaštujuć kvatery?

Amierykanski žurnalist Šuster padaryŭ Łukašenku bijahrafiju Zialenskaha6

Azierbajdžan rychtuje adkaz na ŭdary Rasii pa azierbajdžanskich naftahazavych abjektach va Ukrainie13

Troje darosłych zahinuli, piaciora dziaciej u balnicy — strašnaja avaryja na Hrodzienščynie1

Namieśnik kiraŭnika Administracyi Pucina zaklikaŭ jaho spynić vajnu8

Novyja pryznačeńni ŭ Abjadnanym pierachodnym kabiniecie17

U Minsku adkryłasia kafe, dzie kormiać jak na borcie samalota10

bolš čytanych navin
bolš łajkanych navin

Na trasie pad Minskam kiroŭca źbiŭ maładoha tryjatłanista i ŭciok, pakinuŭšy chłopca pamirać1

Na trasie pad Minskam kiroŭca źbiŭ maładoha tryjatłanista i ŭciok, pakinuŭšy chłopca pamirać

Hałoŭnaje
Usie naviny →

Zaŭvaha:

 

 

 

 

Zakryć Paviedamić