Alaksandr Łukašenka zaklikaje da kaardynacyi dziejańniaŭ krain — udzielnic inicyjatyvy «Pojas i šlach», kab maksimalna sadziejničać pašyreńniu ekanamičnaha supracoŭnictva i zdymańniu barjeraŭ. Pra heta jon zajaviŭ siońnia ŭ svaim vystupie na II Forumie mižnarodnaha supracoŭnictva «Pojas i šlach», pieradaje BIEŁTA.
«Inicyjatyva «Pojas i šlach» dazvalaje nam pierakanacca ŭ mudraści našych prodkaŭ, jakija daŭno ŭśviadomili, što raźvićcio asobna ŭziataj krainy biez uzajemadziejańnia ź inšymi dziaržavami praktyčna niemahčyma. Sučasnyja technałohii robiać śviet bolš kampaktnym. Hieahrafičnaja addalenaść ŭžo nie źjaŭlajecca takoj pieraškodaj dla vybudoŭvańnia ciesnaha partniorstva, jakoj była ŭ časy stvareńnia Šaŭkovaha šlachu», - skazaŭ kiraŭnik dziaržavy.
Jon adznačyŭ, što z nadychodam ery ličbravizacyi, jakaja pryniesła novuju chutkaść pracy ź infarmacyjnymi i hrašovymi patokami, łahična było b čakać istotnaha prahresu i ŭ handli. Adnak na šlachu ruchu tavaraŭ ŭsio jašče prysutničajuć štučna stvoranyja taryfnyja, nietaryfnyja, techničnyja, administracyjnyja barjery. «Kali my chočam pašyryć naša ekanamičnaje supracoŭnictva, nadać mahutny impuls raźvićciu ekanomik, nam nieabchodna bolš vynikova pracavać nad likvidacyjaj usich vidaŭ barjeraŭ. Ale rabić heta tolki na terytoryi asobna ŭziataj dziaržavy - usio roŭna što ŭ vialikim horadzie na adnym skryžavańni likvidavać aŭtamabilny zator. Ty prosta chutčej dajedzieš da nastupnaj. Naša ahulnaja zadača - kaardynacyja dziejańniaŭ krain na ŭsim praciahu Pojasa i Šlachu», - padkreśliŭ biełaruski lidar.
Alaksandr Łukašenka zajaviŭ, što Biełaruś, praź jakuju iduć tavarnyja patoki z uschodu na zachad i z poŭnačy na poŭdzień, jak nichto inšy, zacikaŭlena ŭ isnavańni spraviadlivaj, raŭnapraŭnaj i prazrystaj sistemy mižnarodnaha handlu.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary