Navukoŭcy ź Livierpulskaha ŭniviersiteta imia Džona Mursa zajavili, što ź vialikaj dolaj imaviernaści vyznačyli sapraŭdnuju asobu Džeka Trybušylnika — sieryjnym zabojcam byŭ polski imihrant Aaron Kaśminski, jaki pracavaŭ cyrulnikam. Pra heta paviedamlaje hazieta The Sun.
Ekśpierty vyznačyli asobu mańjaka, jaki dziejničaŭ u łondanskim rajonie Uajtčepieł u druhoj pałovie 1888 hoda, vyvučyŭšy analiz DNK z nasoŭki, jakaja ŭtrymlivała jak kroŭ zabojcy, tak i adnoj ź jaho achviar — Ketryn Edoŭs. «My ŭpieršyniu detalova pradstaŭlajem sistematyčny malekularny analiz adzinaha fizičnaha dokazu, źviazanaha z zabojstvami Džeka-Trybušylnika», — adznačajuć daśledčyki ŭ Journal of Forensic Sciences.
Asobu złačyncy, jaki raspraviŭsia prynamsi ź piaćciu prastytutkami z truščob, vyznačyli šlacham paraŭnańnia frahmientaŭ mitachandryjalnaj DNK z nasoŭki z frahmientami, uziatymi ŭ žyvych naščadkaŭ Kaśminskich. Vyjaŭleńnie profilaŭ na adnym dokazie «pavyšaje statystyčnuju imaviernaść poŭnaj identyfikacyi i paćviardžaje tezis pra toje, što nasoŭka źjaŭlajecca sapraŭdnaj», havorycca ŭ spravazdačy navukoŭcaŭ. Pry hetym adznačajecca, što jana źviazana z zabojstvam nie tolki Edoŭs, ale i Elizabet Strajd.
Śviedčańni, jakija tyčacca datyčnaści Kaśminskaha da zabojstvaŭ, upieršyniu pradstaviŭ ŭ 2014 hodzie adzin z aŭtaraŭ hetaha daśledavańnia — dacent malekularnaj bijałohii ŭ livierpulskim univiersitecie Jary Łaŭchiełajnien. Svaje dokazy jon apisaŭ u knizie Naming Jack the Ripper. Adnak u toj čas jon padpaŭ pad krytyku hienietykaŭ za toje, što nie raskryŭ dastatkova techničnych detalaŭ svajho analizu.
Raniej u liku padazravanych da žachlivych zabojstvaŭ u Uajtčepiele, akramia ŭradženca Polščy, nazyvalisia razvozčyk miasa Čarlz Alen Lečmier, školny nastaŭnik Mantehiu Džon Druit, što skončyŭ žyćcio samahubstvam; cyrulnik Džordž Čepmien, paviešany za atručvańnie troch svaich žonak; livierpulski handlar bavoŭnaj Džejms Miebryk, zabity ŭłasnaj žonkaj, i šerah inšych.
Mianuška Džek-Trybušylnik była ŭziata ź lista, jaki trapiŭ u łondanskaje ahienctva navin ad imia zabojcy. Z pačatku XX stahodździa historyja zabojcy z Uajtčepieła była raskazana ŭ dziasiatkach filmaŭ i litaraturnych tvoraŭ.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary