Biełaruś i nadalej nie budzie brać z Rasii hrošy za dva rasijskija vajskovyja abjekty, raźmieščanyja na svajoj terytoryi, zajaviŭ Alaksandr Łukašenka na vialikaj pres-kanfierencyi dla biełaruskich i zamiežnych žurnalistaŭ.
Łukašenka adznačyŭ, što ŭ Biełarusi jość dva rasijskija vajskovyja abjekty. Rasija ničoha nie płacić biełaruskamu boku za ich raźmiaščeńnie.
Litaralna praz hod treba zaklučać novaje pahadnieńnie. «My z vas kapiejki i nadalej nie voźmiem, navat kali vy padatkovy manieŭr nie adrehulujecie, chaj buduć u vas hetyja hrošy. Ale za bazy my z vas kapiejki nie voźmiem, bo heta ahulnaja naša biaśpieka», — skazaŭ Alaksandr Łukašenka.
Pry hetym jon źviarnuŭ uvahu, što, kali abmiarkoŭvajecca pytańnie ab tym, kab padstavić plačo Biełarusi ŭ płanie niekatorych vidaŭ ŭzbrajeńnia, rasijski bok kaža, što heta doraha i niemahčyma. «Z namiokam — treba kupić. Na što ja publična skazaŭ: «Vy što, chočacie, kab ja kupiŭ u vas aŭtamat Kałašnikava, kab vas abaraniać? Kali ŭ vas mahčymaściaŭ bolš, padtrymajcie zaraz biełaruskaje vojska». U rešcie rešt pryniali rašeńnie, budziem kuplać, što zrobiš, ja maju na ŭvazie samaloty», — adznačyŭ Alaksandr Łukašenka.
Havoračy ab biełaruska-rasijskaj intehracyi, jon zaklikaŭ vyrašać u pieršuju čarhu takija nadzionnyja pytańni. «Nam nielha zahubić toje, što dobra. U nas chapaje praciŭnikaŭ, a, moža, navat vorahaŭ, - skazaŭ jon. - Heta patetyka, napeŭna, ale my z vami adkazvajem za słavianski śviet, słavianskuju cyvilizacyju. I kali my zahubim heta, našym dzieciam budzie ciažka ».
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary