Pieršyja žyroŭki pa poŭnym taryfie pryjduć niezaniatym u ekanomicy ŭ sakaviku, a nie ŭ lutym
Urad vyrašyŭ pieranieści terminy zaćviardžeńnia miascovymi orhanami ŭłady śpisaŭ pracazdolnych hramadzian, nie zaniatych u ekanomicy, što apłačvajuć pasłuhi z pakryćciom vydatkaŭ, i dadatkova infarmavać hramadzian ab uklučeńni ich u hetyja śpisy.
Na 1 lutaha kamisii pa kaardynacyi raboty pa sadziejničańni zaniataści nasielnictva sfarmavali śpisy nie zaniatych u ekanomicy hramadzian, jakija apłačvajuć pasłuhu haračaha vodazabieśpiačeńnia pa taryfie z poŭnym pakryćciom vydatkaŭ na jaje akazańnie. «Tyja, chto trapiŭ u śpisy, buduć dadatkova prainfarmavanyja pra heta praz žyroŭki. Pry hetym naličeńnie płaty za pasłuhu haračaha vodazabieśpiačeńnia pa poŭnym taryfie za studzień 2019 hoda zroblena nie budzie», — adznačyli ŭ Minpracy.
Dadzienaje rašeńnie daść hramadzianam, jakija trapili ŭ śpisy, dadatkovuju mahčymaść paćvierdzić svaju zaniataść ci ciažkuju žyćciovuju situacyju jašče i ŭ lutym 2019 hoda (raniej mierkavałasia, što trapili ŭ śpisy ŭžo ŭ hetym miesiacy atrymajuć žyroŭki za studzień z naličeńniem apłaty haračaha vodazabieśpiačeńnia pa poŭnym taryfie).
Kali takija hramadzianie na praciahu miesiaca nie daduć źviestak, jakija paćviardžajuć zaniataść albo najaŭnaść ciažkaj žyćciovaj situacyi, naličeńnie płaty za pasłuhu haračaha vodazabieśpiačeńnia pa taryfie, jaki zabiaśpiečvaje poŭnaje pakryćcio vydatkaŭ na jaje akazańnie, budzie vystaŭlena ŭ paviedamleńni ab pamiery płaty za žyllova-kamunalnyja pasłuhi za luty z ulikam pieraraźliku za studzień 2019 hoda.
Kamientary