Ułada1313

«Niama takoj mahčymaści ŭ Rasii, uličvajučy nastupstvy ŭsiaho, na heta pajści»: Łukašenka nazvaŭ pryciahnutymi za vušy razmovy pra abjadnańnie z Rasijaj

BiełTA

Razmovy pra abjadnańnie Biełarusi z Rasijaj durnyja i pryciahnutyja za vušy. Pra heta Alaksandr Łukašenka zajaviŭ siońnia na naradzie pa sacyjalna-ekanamičnym raźvićci krainy u 2019 hodzie i padychodach da dalejšaha raźvićcia intehracyjnych napramkaŭ, piša BiełTA.

«Zanadta šmat siońnia (ja analizuju situacyju ŭ našym hramadstvie, dy i ŭ rasijanaŭ) idzie razmovaŭ pra abjadnańnie dźviuch dziaržaŭ. Šmat ciapier źjaviłasia pytańniaŭ u suviazi z carkvoj va Ukrainie ab aŭtakiefalii našaj carkvy ŭ Biełarusi. Ja nazyvaju hetyja pytańni vielmi durnymi, pryciahnutymi za vušy dla abmierkavańnia ŭ našym hramadstvie», — skazaŭ Alaksandr Łukašenka.

Jon padkreśliŭ, što havorki pra abjadnańnie dźviuch dziaržaŭ być nie moža. «My z prezidentam Rasii adnaznačna vyznačyli, što siońnia na paradku dnia takoha pytańnia niama — pra abjadnańnie», — źviarnuŭ uvahu kiraŭnik dziaržavy.

Łukašenka nahadaŭ, što Biełaruś i Rasija ŭ svoj čas padpisali damovu ab stvareńni Sajuznaj dziaržavy i raźvivali svaje adnosiny, stroha trymalisia hetych dakumientaŭ. «My pavinny byli ŭ svoj čas pryniać Kanstytucyjny akt, h.zn. Kanstytucyju Sajuznaj dziaržavy, i tam usio pavinna było być prapisana: i orhany kiravańnia, i orhany ŭłady, i adzinaja valuta, palityka i hetak dalej. Rasija admoviłasia ŭ svoj čas iści hetym šlacham. Ja heta nahadaŭ prezidentu Rasii, jon skazaŭ: «tak, tak i było». Paŭstaje pytańnie: što budziem rabić z sajuznaj damovaj? Treba siadać za stoł i hladzieć, što my razam možam siońnia pavodle damovy vyrašyć, na što my razam možam biez usiakaha cisku pajści», — adznačyŭ jon.

Kiraŭnik dziaržavy zajaviŭ, što sajuz Biełarusi i Rasii moža raźvivacca tolki na raŭnapraŭnaj asnovie. «I heta nie tamu što Łukašenka tak choča, jak heta padajecca ŭ Rasii. A tamu što heta fundamientalnyja pryncypy pabudovy luboha sajuza. Niama raŭnapraŭnaj asnovy — niama sajuza, — skazaŭ Łukašenka.

— Usio pavinna adbyvacca na raŭnapraŭnaj asnovie, i na heta pavinna być vola dvuch narodaŭ — Rasijskaj Fiederacyi i Biełarusi. My ŭvieś čas, farmirujučy hety sajuz, pavinny aziracca na mierkavańnie našych ludziej. Tamu pa mnohich-mnohich pryčynach, vy sami razumiejecie, pra abjadnańnie dźviuch dziaržaŭ havorki nie idzie».

Na hety krok, pierakanany Alaksandr Łukašenka, nie moža pajści i sama Rasija. Heta kiraŭniku biełaruskaj dziaržavy paćvierdziŭ rasijski prezident Uładzimir Pucin. «Niama takoj mahčymaści ŭ Rasii, uličvajučy nastupstvy ŭsiaho, na heta pajści. Tamu treba supakoicca i spynić hetyja razmovy, što chtości kahości nachiliŭ abo nachilaje. Tut nichto nikoha nie nachilić», — adznačyŭ biełaruski kiraŭnik.

Kamientary13

Ciapier čytajuć

«Častku svajakoŭ ja adsiejała». Hamialčanka, jakaja žyvie ŭ Adesie, raspaviała pra adaptacyju da abstrełaŭ, ukrainskuju movu i svoj błoh

«Častku svajakoŭ ja adsiejała». Hamialčanka, jakaja žyvie ŭ Adesie, raspaviała pra adaptacyju da abstrełaŭ, ukrainskuju movu i svoj błoh

Usie naviny →
Usie naviny

Dačka Nadziei Jermakovaj pastaŭlaje rybu ŭ kałonii, balnicy i siłavikam10

U Vałahodskaj vobłaści RF most abrynuŭsia pad viernikami prosta padčas chresnaha chodu6

«VIP-klijentka» KDB. Historyja šviedskaj biełaruski, jakuju aryštavali na radzimie i vyzvalili razam ź Cichanoŭskim4

Na stancyi mietro «Płošča Lenina» žančyna ŭpała na rejki

Jak idzie ramont mosta na praśpiekcie Niezaležnaści FOTY1

U Litvie chočuć stvaryć dronavuju zasłonu na miažy ź Biełaruśsiu1

«Patelefanujcie Pucinu»: Rute papiaredziŭ Kitaj, Indyju i Braziliju pra druhasnyja sankcyi3

U parku Čaluskincaŭ źjavicca «Vieža svabodnaha padzieńnia»2

Miadźviedzieŭ pra ŭltymatum Trampa: Rasii ŭsie roŭna8

bolš čytanych navin
bolš łajkanych navin

«Častku svajakoŭ ja adsiejała». Hamialčanka, jakaja žyvie ŭ Adesie, raspaviała pra adaptacyju da abstrełaŭ, ukrainskuju movu i svoj błoh

«Častku svajakoŭ ja adsiejała». Hamialčanka, jakaja žyvie ŭ Adesie, raspaviała pra adaptacyju da abstrełaŭ, ukrainskuju movu i svoj błoh

Hałoŭnaje
Usie naviny →

Zaŭvaha:

 

 

 

 

Zakryć Paviedamić