Jak źmianilisia ceny na novabudoŭli ŭ Biełarusi vosieńniu-2018 i čaho čakać pry kancy hoda
Niahledziačy na toje, što kurs biełaruskaha rubla vosieńniu trymaŭsia prykładna na adnym uzroŭni, nieruchomaść u Minsku krychu padaražeła.
Ceny: vosieński rost u stalicy i spad u pryharadzie
Pa dadzienych statystyki Flatfy.by, siaredniaja cana na kvadratny mietr u novabudoŭlach Minska pa vynikach listapada 2018 skłała krychu bolš za $1 240. Heta na $41,4 bolš, čym było miesiacam raniej. U paraŭnańni ź letam jana taksama vyrasła (u kancy žniŭnia siaredniaja cana składała $1 208,9 za kvadrat).
Tym časam siaredni košt kvadratnaha mietra ŭ Minskim rajonie naadvarot padaje. U listapadzie jon skłaŭ $793,3 za kvadrat, što na $24,6 mienš, čym u kastryčniku, i na cełyja $74,8 mienš, čym pry kancy leta.
Samy papularny kompleks siarod novabudoŭlaŭ pryharada — Novaja Baravaja. Kolkaść zapytaŭ inviestaraŭ bje ŭsie rekordy.
Źmieny pa terminach zaviaršeńnia budaŭnictva ŭ Minsku
- Zdadzienyja — 1 297,1 $/m2;
- Zdača ŭ 2018 hodzie — 1 194,9 $/m2;
- Zdača ŭ 2019 hodzie — 1 130,8 $/m2;
- Zdača ŭ 2020 hodzie — 1 063,4 $/m2.
U infahraficy:
Źmieny pa kłasach žylla
Siaredniaja canavaja palityka pa kłasie žylla ŭ Minsku ŭ kastryčniku raźmiarkoŭvajecca nastupnym čynam:
- Ekanom-kłas — 1 074.4 $/m2;
- Kamfort-kłas — 1 248.4 $/m2;
- Biznes-kłas — 1 571.3 $/m2;
- Elit-kłas — 1 646.3 $/m2.
U paraŭnańni:
Jak pravilna vybrać i kupić kvateru ŭ novabudoŭli
Flatfy razam ź jurystam zrabili karotkuju i vielmi zrazumiełuju instrukcyju pra toje, jak kupić kvateru ŭ novabudoŭli.
Usio vykładziena ŭ strukturavanaj i dastupnaj formie: što treba viedać ab kupli kvatery, z čaho pačać vybar žylla i na što asabliva źviarnuć uvahu, jak biaśpiečna ŭkłaści inviestycyi i kali padklučać jurystaŭ, a taksama jakija patrebny dakumienty pry kupli — słovam, usio nieabchodnaje dla važnaha nabyćcia.
Što čakać na rynku novaj nieruchomaści ŭ śniežni
Śniežań tradycyjna ličycca miesiacam navahodnich uračystaściaŭ. Čaściakom mienavita ŭ śniežni možna čakać bolš za ŭsio «smačnych» i vyhadnych prapanoŭ ad zabudoŭščykaŭ na kuplu nieruchomaści. Tamu mienavita ciapier treba ŭvažliva sačyć za ŭsim, što adbyvajecca z cenami i šukać źnižki i pieradnavahodnija akcyi na kuplu kvatery.
Źviarnicie ŭvahu, što «siaredniaja cana» kvadratnaha mietra žylla zusim nie aznačaje, što takoj jana budzie va ŭpadabanym vami žyłym kompleksie. Jana moža być jak vyšejšaj, tak i nižejšaj. Kvadratny mietr u joj moža jak tańnieć, tak i daražeć — heta narmalna. U statystyčnym analizie my bačym karcinku ŭ cełym pa roznych ŽK i novabudoŭlach.
Flatfy — heta anłajn-servis pošuku žylla ŭ novabudoŭlach i na druhasnym rynku. Servis pracuje ŭ Biełarusi z 2014 hoda.
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?4
Kamientary