«Makdonalds» raskazaŭ, kolki pradaŭ bulby fry ŭ listapadzie

Uvieś listapad 2018 u Biełarusi i va ŭsim śviecie ŭ restaranach «Makdonalds» prachodziła dabračynnaja kampanija «MakChepi Dzień»: ceły miesiac biełarusy, nabyvajučy vialikuju bulbu fry, rublom padtrymlivali Biełaruski dziciačy chośpis i Viciebski abłasny śpiecyjalizavany dom dziciaci.

U padtrymku arhanizavali marafon «Zorny listapad», udzielnikami jakoha stali słavutyja spartsmieny Alaksandra Hierasimienia, Hanna Huśkova, Alaksandra Sasnovič, Mielicina Staniuta i Natalla Cylinskaja, hulcy kamand FK «Dynama-Minsk» i BK «Cmoki-Minsk», viadučyja Hanna Bond, Tamara Lisickaja i Anton Martynienka, pradziusar Kaciaryna Rajeckaja, fešn-błohier Maryja Paharełava, lidar hurta J: Mors Uładzimir Puhač i inšyja.

Na praciahu ŭsiaho miesiaca jany źjaŭlalisia za pryłaŭkami restaranaŭ «Makdonalds», kab raspavieści naviedvalnikam pra akcyju «MakChepi Dień», kulminacyjaj jakoj stała 20 listapada, Suśvietny dzień dziciaci, kali ŭsie srodki, atrymanyja ad prodažu bulby fry va ŭpakoŭcy luboha pamieru, taksama byli pieraličanyja na dabračynnyja mety.

Jak vynik, hości restaranaŭ «Makdonalds» nabyli rekordnyja 265 133 vialikija porcyi bulby fry pa vynikach listapada, pra što pradstaŭnictva ŭ Biełarusi abjaviła siońnia, u svoj 22-y dzień naradžeńnia. Kampanija abiacaje dać spravazdaču ab nabyćci miedycynskaha abstalavańnia dla Biełaruskaha dziciačaha chośpisa i Viciebskaha abłasnoha śpiecyjalizavanaha doma dziciaci ŭ pačatku 2019 hoda.

«U Biełarusi pastupova pryžyvajecca paniaćcie pra sacyjalnuju adkaznaść jak hramadstva, tak i biznesu. U sacyjalnaj śfiery mnohija kirunki paśpiachova realizujucca dziakujučy hramadskim arhanizacyjam. Ale paśpiachovaść ich pracy šmat u čym zaležyć ad padtrymki z boku biznesu, — adznačyła dyrektar Biełaruskaha dziciačaha chośpisa Hanna Harčakova. — Dziakujučy dapamozie «Makdonaldsa» była pabudavana i funkcyjanuje haścinica dla baćkoŭ na bazie novaha budynka Biełaruskaha dziciačaha chośpisa. Štohod kampanija pravodzić akcyju «MakChepi Dzień», častka vyručki ad jakoj idzie na kuplu abstalavańnia, jakoje tak nieabchodna padapiečnym Biełaruskaha dziciačaha chośpisa».

Kampanija «Makdonalds» u Biełarusi pravodzić akcyju «MakChepi Dzień» 17 hadoŭ. Za hety čas byli sabrany srodki na dapamohu 14 sacyjalnym i miedycynskim dziciačym ustanovam krainy. Za ŭsie 17 hadoŭ praviadzieńnia kampanii było sabrana bolš za 1 900 000 biełaruskich rubloŭ.

• 0
• 0
• 0
• 0
• 0
• 0
• 0
• 0