Minskaja abłasnaja kalehija advakataŭ płanavała navahodni karparatyŭ u «Pajedziem, pajadzim», ale ŭ vyniku admoviłasia
Adzin ź lidaraŭ abarony Kurapataŭ, sustaršynia «chadekaŭ» Pavieł Sieviaryniec paviedamiŭ u svaim fejsbuku, što pa jaho infarmacyi Minskaja abłasnaja kalehija advakataŭ płanuje 23 śniežnia praviadzieńnie śviatočnaha karparatyvu ŭ restaranie «Pajedziem, pajadzim», jaki znachodzicca pobač z Kurapatami. Aryjencirovačnaja cana na asobu — 100 rubloŭ.
Namieśnica staršyni kalehii Iryna Višniakova raskazała «NN», što heta była adna z prapanovaŭ, jakaja paśla abmierkavańnia nie prajšła.
«Prablema stvoranaja na pustym. U nas vialikija pytańni, adkul takaja infarmacyja? Heta była prapanova, jakaja abmiarkoŭvałasia i jana nie zadavoliła ni pa dacie, ni pa miescy. Tamu da abmierkavańnia było prapanavanaje inšaje miesca. Pakul my ničoha nie abrali.
Ale taja prapanova nie prajšła. Najpierš pa dacie nie zadavoliła, nu i pa miescy ŭ tym liku. Ciapier vielmi ciažka znajści inšaje miesca. My ŭvohule ličym, što praviadzieńnie śviatočnaha mierapryjemstva ŭ ramkach adnoj arhanizacyi — heta nie takaja prablema, jakuju varta abmiarkoŭvać nastolki publična», — adznačyła Iryna Višniakova.
Na zaŭvahu, što da restarana «Pajedziem, pajadzim» pryciahnutaja pavyšanaja ŭvaha hramadskaści, spadarynia Višniakova adkazała: «Ciapier užo, kaniečnie, viedajem. Ale, paviercie, nijakaj palityki tut niama».
Hramadskija aktyvisty štodzionna pikietujuć restaran «Pajedziem, pajadzim» ad pačatku červienia. Jany patrabujuć zakryćcia ŭstanovy, a taksama pierahladu achoŭnaj zony Kurapataŭ.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary