Karaviankova i Babajed zamiest kryminalnaha pieraśledu pa «spravie BiełTA» atrymali štrafy
Kryminalny pieraśled redaktara Tut.by Uljany Babajed i ahladalnika BiełaPAN Taćciany Karaviankovaj pa «spravie BiełTA» spynieny, paviedamlaje Tut.by.
Babajed i Karaviankova, akramia kampiensacyi raniej vystaŭlenaj straty, zapłacili štraf 30 bazavych vieličyń (735 rubloŭ).
22 listapada jašče dvuch fihurantaŭ spravy, karespandenta «Niamieckaj chvali» Paŭluka Bykoŭskaha i redaktara partała Realt.by Uładzisłava Kuleckaha, vyzvalili ad kryminalnaj adkaznaści.
Taksama 22 listapada hałoŭnamu redaktaru partała Tut.by Marynie Zołatavaj vystavili abvinavačvańnie pa č. 2 art. 425 Kryminalnaha kodeksa Biełarusi (Biaździejnaść słužbovaj asoby). Sankcyi pa hetym artykule praduhledžvajuć ad štrafu da piaci hadoŭ pazbaŭleńnia voli.
Usim fihurantam byŭ pradjaŭleny pazoŭ ab stracie. Jaho sumy varjirujucca ad 3 da 17 tysiač rubloŭ.
Kamientary