OZ.by paabiacała admianić płatu za samavyvaz tavaraŭ ź niekatorych kramaŭ
Kampanija OZ.by, jakaja ŭviała ŭ niekatorych svaich kramach płatu za dastaŭku tavaru samavyvazam da 15 rubloŭ, vyrašyła admovicca ad hetaj niepapularnaj siarod pakupnikoŭ miery. Admovicca ad zboru płanujuć da kanca hetaha hoda.
Kampanija ŭviała ŭ niekatorych minskich kramach zbor u 1 rubiel za zakazy mienš za 15 rubloŭ.
- Asabista ja i ŭsia kamanda OZ prykładziem usie svaje siły, kab da kanca hetaha hoda poŭnaściu vyrašyć prablemu čerhaŭ i admianić hetuju niepapularnuju mieru, - zajaviŭ hiendyrektar OZ Andrej Hrynievič.
Pavodle jaho słoŭ, heta niepapularnaje ŭ pakupnikoŭ novaŭviadzieńnie nakiravana na toje, kab «pieraraźmierkavać patok klijentaŭ z najbolš zahružanych kram u mieniej zahružanyja», a taksama «kab klijenty nie nakidvali adzinkavyja drobnyja zakazy pa adnym tavary, a źbirali ich u kašy i afarmlali adnoj zamovaj».
Nahadajem, zbor u 1 rubiel ŭviali za dastaŭku tavaru samavyvaz da 15 rubloŭ u 6 z 18 minskich kram sietki «OZ Knihi»
Biaspłatnaja dastaŭka pa Minsku ažyćciaŭlajecca kramaj pry košcie tavaraŭ u zamovie ad 80 rubloŭ, dastaŭka kurjeram — 5 rubloŭ.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary