Šeść hadzin na prezidenta, vosiem — na VKŁ: što budzie ŭ novym kursie «Historyi biełaruskaj dziaržaŭnaści»
U internecie źjaviłasia typavaja vučebnaja prahrama pa dyscyplinie «Historyja biełaruskaj dziaržaŭnaści». My pisali, što ad nastupnaha hoda hety pradmiet zamienić va ŭniviersitetach abaviazkovy kurs «Historyi Biełarusi».
Raspracoŭščykami prahramy stali deputat Pałaty pradstaŭnikoŭ i historyk Ihar Marzaluk, dekan fakulteta fiłasofii BDU Vadzim Hihin, były ministr adukacyi Piatro Bryhadzin, dekan histaryčnaha fakulteta BDU Alaksandr Kachanoŭski, a taksama prarektar BDU Siarhiej Chodzin.
Najpierš varta adznačyć, što heta budzie bolšy kurs — 54 hadziny. Jašče stolki ž vyznačana na samastojnaje vyvučeńnie studentami. Na siońnia «Historyja Biełarusi» čytałasia ŭ abjomie 34 hadziny. Takim čynam, kolkaść historyi ŭ VNU ŭzraście ŭ paŭtara raza. Heta budzie zroblena ŭ tym liku za košt taho, što z abaviazkovaj prahramy VNU vykraślać piedahohiku i psichałohiju.
Jakija ž novaŭviadzieńni buduć u prahramie «Historyi biełaruskaj dziaržaŭnaści»? Najpierš varta adznačyć, što nie budzie asobnaha raździeła, pryśviečanaha pieršabytnamu hramadstvu na terytoryi Biełarusi. Mabyć, ličycca, što kulturu štrychavoj kieramiki vučni zasvojvajuć jašče ŭ škole.
Čytajcie taksama: Historyju Biełarusi va ŭniviersitetach zamieniać kursam «Historyja biełaruskaj dziaržaŭnaści». Što heta značyć?
U bolšym abjomie płanujecca vyvučeńnie historyi Vialikaha Kniastva Litoŭskaha, ale, mahčyma, heta tolki tamu, što niama samastojnaha raździeła pra Biełaruś u składzie Rečy Paspalitaj. Najchutčej, temy prosta abjadnali. Na heta addajecca čatyry hadziny + čatyry hadziny na samastojnaje vyvučeńnie.
Stolki ž studenty buduć vyvučać pieryjad znachodžańnia Biełarusi ŭ składzie Rasijskaj impieryi. Šmat miesca nadajecca historyi biełaruskaj dziaržaŭnaści ŭ 1917 — 1939 hady. Advodzicca tam miesca i dla BNR.
Pa čatyry hadziny biez uliku samastojnaj raboty budzie ŭ pieryjada Druhoj suśvietnaj vajny (budzie nazyvacca Vialikaj Ajčynnaj), BSSR i sučasnaj Biełarusi.
Druhi raździeł pradmieta budzie nazyvacca «Asnovy dziaržaŭnaha ładu Biełarusi». Tut pa dźvie hadziny addaduć na Kanstytucyju Biełarusi, prezidenta, urad, zakanadaŭčuju i sudovuju haliny ŭłady, rehijony Biełarusi i palityčnyja partyi. Na prezidenta jašče dajecca čatyry hadziny dla samastojnaha vyvučeńnia, to bok ahułam šeść hadzin.
Nu i apošni raździeł kursa budzie mieć nazvu «Biełaruś na sutyknieńni kultur i cyvilizacyj». Asobnyja lekcyi buduć pryśviečanyja etnahienezu biełarusaŭ i naźvie krainy, narodam i relihijam Biełarusi, dziaržaŭnym simvałam, sacyjalna-ekanamičnaj madeli našaj krainy i miesca Biełarusi ŭ hieapalityčnaj prastory.
Pa vialikim rachunku ničoha z taho, što ciapier vykładajecca ŭ kursie «Historyi Biełarusi» ŭ VNU, nie vykinuta, a voś dadadzienaja palityčnaja historyja. Čaho istotna paboleła, dyk heta Biełarusi na jaje sučasnym etapie. Padručnikaŭ pa «Historyi biełaruskaj dziaržaŭnaści» pakul niama.
Byłoha supracoŭnika kontrraźviedki KDB aryštavali za zdradu dziaržavie9
Kamientary