Hanna Kanapackaja raspaviała pra svaje prezidenckija ambicyi
Fota Siarhieja Hudzilina
Deputatka Pałaty pradstaŭnikoŭ Hanna Kanapackaja 25 vieraśnia adkazała na pytańnie karespandenta Svabody pra mahčymy jaje ŭdzieł u nastupnych prezydenckich vybarach u Biełarusi.
«Ja, kali tolki pačynała svaju palityčnuju karjeru, vybrała dla siabie dobra viadomy deviz: «Kiepski toj sałdat, jaki nia maryć stać hienerałam». A što takoje «hienerał» u biełaruskich palityčnych realijach? Zrazumieła, heta prezydent», — adkazała Hanna Kanapackaja.
«Adnak siońnia pakul ja nie mahu adnaznačna i dakładna zajavić ab svaim udziele ŭ prezydenckaj kampanii», — dadała deputatka.
Što biantežyć Kanapackuju?
Hanna Kanapackaja kaža, što hałoŭnaja reč, jakaja pakul strymlivaje jaje ad abviaščeńnia startu svajoj vybarčaj kampanii — heta niaŭpeŭnienaść, što jana zdoleje sabrać 100 tysiač podpisaŭ vybarnikaŭ u svaju padtrymku.
«Deputat Pałaty pradstaŭnikoŭ nia maje nijakich pryvilejaŭ u paraŭnańni ź inšymi ŭdzielnikami prezydenckaj kampanii. Mnie taksama treba budzie sabrać 100 tysiač podpisaŭ. I tut uźnikaje pytańnie: chto mnie ŭ hetym dapamoža? Farmalna ja siabra Abjadnanaj hramadzianskaj partyi. Ale nijakaj upeŭnienaści, što partyja mnie dapamoža, u mianie niama. I navat kali b usia partyja raptam padtrymała maju kandydaturu, heta stanovišča pryncypova nie mianiaje.
Ja dobra pamiataju apošnija prezydenckija vybary, kali źbirali hałasy za lidera AHP Anatola Labiedźku. Vynik toj kampanii viadomy — usie razam sabrali tolki kala pałovy nieabchodnych podpisaŭ», — patłumačyła Hanna Kanapackaja.
Kamientary