Alaksandr Łukašenka pryniaŭ siońnia z dakładam ministra ŭnutranych spraŭ, staršyniu naziralnaj rady chakiejnaha kłuba «Dynama-Minsk» Ihara Šunieviča, piša BiełTA
U pieršuju čarhu kiraŭnik dziaržavy pacikaviŭsia kryminahiennaj situacyjaj u krainie za minuły pieryjad hetaha hoda. Asablivuju ŭvahu jon źviarnuŭ na złačynstvy ŭ pobycie, a taksama ŭ sielskaj miascovaści. Asobna Łukašenka paprasiŭ paviedamić ab vynikach baraćby z ekanamičnymi złačynstvami, u tym liku z karupcyjaj. Była zakranutaja i mihracyjnaja śfiera. «Niešta treba nam u zakanadaŭstvie papraŭlać, jak ličyć Ministerstva ŭnutranych spraŭ. Kali tak — kali łaska, abmiarkujem», - skazaŭ kiraŭnik dziaržavy.
Tradycyjna Łukašenka pacikaviŭsia ŭ Ihara Šunieviča, jak ciapier budujecca praca ŭ chakiejnym kłubie «Dynama-Minsk».
«Niejak «kałbasić» hetuju kamandu z pačatku hoda i ŭ pieradsiezonku. Dobra zhulali dźvie hulni na vyjeździe, asabliva z «Łakamatyvam». Prosta hieraična. Z «Sievierstallu» 4:1. I niejkaja niesalidnaja hulnia z maskoŭskim «Dynama». Niejkija pierapady. Što tam adbyvajecca ŭ kamandzie, jak jany dumajuć žyć i pracavać dalej?» - zadaŭ pytańnie Alaksandr Łukašenka.
Jak paviedamiŭ ministr, apieratyŭnaja abstanoŭka ŭ krainie padkantrolnaja orhanam unutranych spraŭ i charaktaryzujecca tolki asobnymi rezkimi ŭskładnieńniami.
«Nam znoŭ pryjšłosia reahavać na fakt zachopu zakładnikaŭ [vypadak u Zasłaŭi 18 lipienia, kali mužčyna zachapiŭ u zakładnicy dačku ŭ banku — NN]. U inšym nadzvyčajnym zdareńni adzin supracoŭnik zahinuŭ, druhi atrymaŭ ranieńni [majecca na ŭvazie stralba pad Ivacevičami, kali miascovy žychar adkryŭ ahoń pa milicyjantach— NN]. Ale pry realizacyi adnoj z asnoŭnych zadač pa pryznačeńni samym hałoŭnym vynikam liču zabieśpiačeńnie źnižeńnia kolkaści asob, jakija paciarpieli ad złačynstvaŭ (minus 3%), a taksama zahinułych - amal minus 4%», - padkreśliŭ Ihar Šunievič
Kamientary