U vioscy Kiendelen u Kabardzina-Bałkarskaj respublicy Rasii adbyŭsia kanflikt, pryčynaj jakoha stała sproba kabardzincaŭ pravieści konnaje šeście z nahody 310-hodździa pieramohi ŭ Kanžalskaj bitvie, jakuju nie pryznajuć bałkarcy. U vyniku pamiž miascovymi i siłavikami adbylisia sutyknieńni, paviedamlaje news-r.ru.
Žychary vioski (bałkarcy) admovilisia prapuścić kabardzincaŭ, jakija konnym šychtam chacieli ŭzyści na viaršyniu hary Kanžal u honar 310-hodździa Kanžalskaj bitvy.
Viedajučy pra nastroi ŭ nasielenym punkcie, vieršniki vyrašyli ŭ jaho nie zachodzić. Jany abyšli viosku i padnialisia na haru Kanžal.
Adnak na nastupny dzień u Kiendelen pryjšli žychary kabardzinskaha auła Ziejuko, jakija zapatrabavali, kab bałkarcy prapuścili konnaje šeście, kali jano budzie viartacca.
Tyja, u svaju čarhu, ličać pachod na Kanžal źnievažalnym dla ich, a kabardzincaŭ abvinavačvajuć u sprobie prasunuć svaju «ideałohiju i vierałomnyja idei».
U vyniku ŭ siało pryjechała vialikaja kolkaść siłavikoŭ, jakija pierakryli darohi i pasprabavali ŭziać situacyju pad svoj kantrol.
Adnak žychary pačali zakidvać siłavikoŭ kamianiami.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje22
Kamientary