Niekalki dziasiatkaŭ čałaviek pryniali ŭdzieł u sankcyjanavanym šeści ŭ Miensku ad Pałacu kultury kamvolnaha kambinata da Łošyckaha jaru, dzie ŭ 30-ja hady minułaha stahodździa pravodzilisia masavyja rasstreły niavinnych ludziej. Raniej u Łošyckim jary pabyvali siabry Partyi BNF. Fotarepartaž.
Niekalki dziasiatkaŭ čałaviek pryniali ŭdzieł u sankcyjanavanym šeści ŭ Miensku ad Pałacu kultury kamvolnaha kambinata da Łošyckaha jaru, dzie ŭ 30-ja hady minułaha stahodździa pravodzilisia masavyja rasstreły niavinnych ludziej. Raniej u Łošyckim jary pabyvali siabry Partyi BNF.
Arhanizavanaja Kanservatyŭna-Chryścijanskaj partyjaj — BNF akcyja pačałasia a 12-j hadzinie. Ź bieł-čyrvona-biełymi i partyjnymi ściahami, a taksama z raściažkami ludzi prajšli šeściem da Łošyckaha jaru, dzie ŭ 30-ja hady minułaha stahodździa pravodzilisia masavyja rasstreły niavinnych ludziej. U kalonie razam z usimi prajšli pałytyk Viačasłaŭ Siŭčyk i adzin ź lideraŭ pradprymalnikaŭ Aleś Makajeŭ. Pałovu ŭdzielnikaŭ składała moładź.
U časie mitynhu byŭ začytany zvarot staršyni KCHP-BNF Zianona Paźniaka «Dziady ŭ Łošycy», była nahadanaja historyja źniščeńnia niavinnych ludziej u Łošyckim jary.
Udzielniki mitynhu ŭźniali taksama i ekanamičnaje pytańnie. Aktyvist Kansevartyŭna-chryścijanskaj partyi BNF Aleś Čacholski nahadaŭ, što ŭ vyniku kryzisu tysiačy biełarusaŭ viartajucca z pracaŭ u Rasiei i što heta pahražaje vybucham biespracoŭja.
Na hadzinu raniej u Łošyckim jary pabyvali siabry Partyi BNF. Siarod ich byŭ namieśnik staršyni partyi Viktar Ivaškievič.
Varta nahadać, u jakim stanie siońnia znachodzicca miesca masavych rasstrełaŭ u Łošycy. Za apošnija hady pobač z kryžam vyras ceły haražny kompleks. Vakoł memaryjału nieviadomyja arhanizavali śmietnik.
Ciapier čytajuć
«Liču, što heta maja misija». Biełaruskamoŭny Pavieł z DCP vyklikaŭ chvalu zachapleńnia, zajzdraści i lubovi3
Kamientary