FSB zatrymała Alaksieja Ciemirava, vučonaha z Navačarkaska (Rastoŭskaja vobłaść RF), za pieradaču Vjetnamu źviestak, jakija źmiaščajuć dziaržaŭnuju tajnu Rasii, raspaviała RBK advakatka.
64-hadovaha vučonaha z Navačarkaska Alaksieja Ciemirava, jakoho abvinavačvajuć ŭ zdradzie dziaržavie, zatrymali 18 lipienia. Tady jon samastojna javiŭsia da supracoŭnikaŭ FSB, kab pravieryć na sakretnaść dakumienty ź miesca pracy — kanstruktarskaha biuro IRIS («Intelektualnyja robastnyja intehravanyja sistemy»), paviedamiła RBK advakatka abvinavačanaha Hanna Połazava.
Advakatka padkreśliła, što navukoŭca vinavaciać u pieradačy źviestak ab abstalavańni, jakoje jon raspracoŭvaŭ u kanstruktarskim biuro razam sa svaim aśpirantam z Vjetnama. U hetuju ž krainu, pa viersii śledčych, Ciemiravaŭ pierapraŭlaŭ sakretnuju infarmacyju. «Ale heta ŭsio [źviestki pra abstalavańnie. — RBK) jość u adkrytym dostupie, u knižcy, jakaja jość u kožnaj biblijatecy», — śćviardžaje jurystka.
Ciapier navukoviec znachodzicca ŭ SIZA «Lefortava». «Jaho stan vielmi ciažki. Źbirajem miedycynskija dakumienty, bo jamu nieabchodnaja apieracyja», — praciahnuła advakat.
Za apošni čas stała viadoma adrazu pra niekalki kryminalnych spraŭ ab špijanažy.
Samyja rezanansnyja ź ich — sprava supracoŭnika CNDImaš Viktara Kudraŭcava (jon nibyta pieradavaŭ sakretnuju infarmacyju adnoj z krain NATA) i sprava top-mieniedžara «Inter RAT JEES» Karyny Curkan (jana nibyta pracavała na małdaŭskuju raźviedku).
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary