Kiraŭnik Čačenskaj respubliki Ramzan Kadyraŭ padpisaŭ ukaz ab prysvajeńni napadniku «Livierpula», lidaru zbornaj Jehipta Machamiedu Sałachu zvańnia hanarovaha hramadzianina respubliki. Pra heta Kadyraŭ napisaŭ u svaim Telegram-kanale.
«Na ŭračystaj viačery, jakuju daŭ u honar zbornaj Jehipta, ja ŭručyŭ Machamadu Sałachu kopiju ŭkaza i nahrudny značok. Heta zasłužanaje zvańnie!», — napisaŭ Kadyraŭ. Pavodle jaho słoŭ, tysiačy dziaciej, junakoŭ i «asob starejšaha ŭzrostu» atrymali mahčymaść ubačyć adnaho z najlepšych hulcoŭ śvietu, a taksama pahutaryć ź im.
Taksama jon dadaŭ, što spadziajecca na chutkaje praviadzieńnie tavaryskaha matču pamiž futbolnym kłubam «Achmat» i zbornaj Jehipta ŭ Hroznym.
Jehipiet abraŭ Čačenskuju respubliku ŭ jakaści bazy dla ŭdziełu ŭ čempijanacie śvietu pa futbole. Tam kamanda žyvie i rychtujecca da matčaŭ. Zbornaja prajhrała pieršyja dva matčy ŭ hrupie i pazbaviłasia mahčymaści vyjści ŭ płej-of. Jehipieckija ŚMI adnoj z pryčyn niaŭdač kamandy nazvali vybar Hroznaha ŭ jakaści bazy.
«Štab zbornaj byŭ adkryty naroschryst kožnamu sustrečnamu, ludzi prychodzili, sychodzili, siadzieli i sustrakalisia z hulcami bieź jakoha-niebudź kantrolu abo zabarony padobnaha rodu dziejańniaŭ, jakija ŭpłyvajuć na kancentracyju hulcoŭ pierad matčami», — paviedamlała vydańnie Al-Ahram.
Kali sočycie za čempijanatam śvietu pa futbole, raim vam zrabić staŭku ŭ Bukmiekierskaj kantory Marafon!
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie47
Kamientary