Top-5 śviežych letnich kaktejlaŭ z kvasam — FOTArecepty
Kvas — tradycyjny biełaruski napoj, jaki spradvieku byŭ niaźmiennym składnikam śviatočnych i budzionnych zastollaŭ. Amal u kožnaj biełaruskaj siamji byŭ svoj sakret stvareńnia hetaha napoju, što badzioryŭ padčas pracy i aśviažaŭ u śpioku.
Siońnia my nabyvajem jaho u kramach, u bočkach na raźliŭ i pry hetym užyvajem naŭprost, u niekranutaj kansistencyi. Nie ŭsie viedajuć, što kali dadać u kvas krychu inšych inhredyjentaŭ, to možna stvaryć najsmačniejšy kaktejl.
Razam z kvasam «Chatni» i barmenam bara «Na plažy» ekśpierymientujem z formami dy składnikami i prapanujem vam piać letnich kaktejlaŭ na asnovie kvasu. Spadabajucca jak darosłym, tak i dzieciam — pravierana.
U jakaści niepadkupnych dehustataraŭ vystupiać Valeryja Kułak i jaje 5-hadovaja dačka Ksiuša. Dla taho, kab trapić na našu kvasnuju viečarynu, siamja pieraadoleła niablizki šlach ź Viciebska ŭ Minsk: Kułaki žyvuć tam u svajakoŭ, pakul dabudoŭvajecca ich novy dom pad Minskam.
Recept № 1: Čornaja karova
Vam spatrebiacca:
- kvas «Chatni Ciomny», 250 mł;
- vanilnaje marožanaje, 50 hr.;
- šakaładny sirop, 1 st. ł.
Źmiešvajem usie inhredyjenty ŭ adnoj tary. Pry žadańni — dasiahajem bolš adnarodnaj kansistencyi pry dapamozie błendara. Raźlivajem pa kubkach. Kali duša prosić chaładku, dadajom lodu.
Mierkavańnie dehustataraŭ:
— Oho, byccam by chtości kvas naliŭ! — kaža Ksienia. Na hust dziaŭčynki, jakaja lubić sałodkaje, taki napoj kisłavaty, ale kali dadać tudy bolš marožanaha, to pryjšoŭsia b jakraz.
— A mnie pitvo na smak nahadvaje niejki piroh, typu šarłotki. Padahreć by i zrabić jaho ciopłym — vyjdzie vydatny kaktejl na zimovyja śviaty, — dadaje Valeryja.
Recept № 2: Jabłyčny
Vam spatrebiacca:
- kvas «Chatni Ciomny», 150 mł;
- jabłyčny sok, 50 mł;
- karyca;
- miod na smak.
Źmiešvajem i raźlivajem pa kielichach.
Valeryja kaža, što kaktejl atrymaŭsia ni čym nie horšy za papularnyja ałkaholnyja napoi. Smačna i biez škody dla arhanizma. Ksienia acaniła spałučeńnie lubimaha joj jabłyčnaha soku z kvasam i pastaviła druhomu kaktejlu tłusty łajk.
Recept № 3: Kvasnaja sanhryja
Vam spatrebiacca:
- kvas «Chatni spraŭny», 250 mł;
- niektaryn;
- jabłyk;
- limon;
- apielsin;
- miata;
- miod.
Frukty narazajem na kavałački, dadajom niekalki liścikaŭ miaty, miod na smak. Zalivajem usio heta bujanstva farbaŭ dy pachaŭ kvasam i dajom nastajacca pryblizna z hadzinu. Paśla hetaha možna dadatkova astudzić napoj lodam.
Što dumajuć našy dehustatary?
— Vielmi śviežy, nasyčany smak. Sapraŭdy padobny da lohkaj sanhryi ci da limanadu. Kłasna spatalaje smahu.
Recept № 4: Miatny kaktejl z kłubnicami
Vam spatrebiacca:
- kvas «Chatni Ciomny», 250 mł;
- miata;
- kłubnicy;
- lod.
Narazajem kłubnicy na kavałki. Zalivajem ich kvasam i dadajom u napoj miatu na smak. Hatova!
Maci z dačkoj kažuć:
Spałučeńnie kvasu i miaty daje nievierahodny aśviažalny efiekt. Kłubnicy — adny ź lubimych jahad Ksienii, tamu hety kaktejl adrazu vyjšaŭ u top i byŭ vypity amal da dna. Astatnija fanaty kłubnicaŭ taksama aceniać.
Recept № 5: Čarničnyja nočy
Vam spatrebiacca:
- kvas «Chatni Ciomny», 200 mł;
- čarnicy (u siezon rekamiendujem zamianić ich na parečki, tak smak atrymajecca jašče bolš jarkim i nasyčanym);
- listy miaty.
Krychu taŭčom jahady, kab jany addali svoj sok. Zalivajem ich kvasam. Listy duchmianaj miaty kładziom na vaš hust.
Słova dehustataram:
Ksienia: Kaktejl z čarnicami dla mianie samy smačny. I z kłubnicami jašče taksama!
Lera: Mnie taksama daspadoby pryjšlisia apošnija varyjanty. A jašče smačnym atrymaŭsia napoj ź jabłyčnym sokam. Karaciej, maja trojka pieramožcaŭ vidavočnaja.
Pasprabujcie i vy paekśpierymientavać! Adčujcie siabie barmenam i vyznačcie svajho pieramožcu, što stanie pałačkaj-ratavałačkaj padčas pryjomaŭ siabroŭ. Raskažycie nam paśla ŭ kamientarach, jaki kaktejl spadabaŭsia vašaj siamji bolš za ŭsio.
Partniorski materyjał razam z kvasam «Chatni».
Dziakujem baru «Na plažy» za dapamohu ŭ arhanizacyi fotazdymak.
Ciapier čytajuć
Bijołah Siarhiej Šeleh, jakoha asudzili na 8,5 hoda za danaty, paśla raptoŭnaha vyzvaleńnia maryć i dalej dapamahać biełarusam. Jaho fiłasofija natchniaje4
Kamientary