Palitołah Biaspalka: Roliki Sajuznaj dziaržavy nabirajuć u sacsietkach mienš prahladaŭ, čym pryvatnaje videa školnikaŭ!
Siabra rady pa mižnacyjanalnych adnosinach pry prezidencie Rasii Bahdan Biaspalka (jon ža źjaŭlajecca namieśnikam dyrektara Centra ŭkrainistyki i biełarusistyki MDU) ŭ čarhovy raz žorstka vykazaŭsia pra biełaruska-rasijskija adnosiny i nazvaŭ tak zvanuju «sajuznuju dziaržavu» fikcyjaj.
Biaspalka pryznaje, što ŭ «sajuznaj dziaržavy» niama realna pracujučych orhanaŭ ułady, a roliki sumiesnaj teleradyjoviaščalnaj arhanizacyi Rasii i Biełarusi nabirajuć prahladaŭ u sacyjalnych sietkach mienš, čym pryvatnyja roliki jakich-niebudź školnikaŭ.
Adsutničaje taksama paŭnavartasny ekanamičny i vajskovy sajuz.
«Pakul što Sajuznaja dziaržava — instrumient pa vybivańni kiraŭnictvam Biełarusi roznych prefierencyj u kiraŭnictva Rasii»,
— kaža Biaspalka.
Za apošnija 10 hadoŭ, śćviardžaje Biaspalka, Rasija ŭkłała ŭ biełaruskuju ekanomiku 106 miljardaŭ dalaraŭ, ale zamiest udziačnaści Biełaruś ŭsio čaściej imkniecca pasiabravać z Zachadam.
U Biełarusi pastupova vybudoŭvajecca antyruskaja identyčnaść, miarkuje Biaspalka i paraŭnoŭvaje heta ź situacyjaj va Ukrainie. Bolš za toje, aficyjny Minsk nibyta ŭziaŭ na ŭzbrajeńnie «humanitarnyja napracoŭki biełaruskich nacyjanalistaŭ».
«Minsk, viadoma, maje prava vieści, jakuju zaŭhodna palityku ŭ dačynieńni da Maskvy. Choć niejtralnuju, choć varožuju. Ale ŭ takim vypadku: čamu my pavinny spansiravać biełaruskuju ekanomiku?»
— pytajecca Biaspalka, jaki naradziŭsia va Ukrainie.
Ciapier čytajuć
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii8
Kamientary