Navukoviec z Aŭstralii Devid Hudał (David Goodall) pajšoŭ z žyćcia z dapamohaj pracedury eŭtanazii ŭ šviejcarskaj klinicy, tym samym vykanaŭšy svajo zapavietnaje žadańnie. Pra heta paviedamiŭ partał navin 9news.
Mužčyna pamior 10 maja ŭ kole siamji. Jon pamiraŭ pad Dzieviatuju simfoniju Bietchoviena — takoje pažadańnie Hudał sam vykazaŭ napiaredadni eŭtanazii. Supracoŭniki kliniki paćvierdzili, što navukoviec «pajšoŭ z žyćcia spakojna». Palicejskija pravierać, nakolki karektna była praviedzienaja pracedura.
U pajezdcy mužčynu supravadžaŭ Filip Ničkie, kiraŭnik hrupy Exit, jakaja vystupaje za lehalizacyju eŭtanazii, siabram jakoj byŭ i niabožčyk Hudał. Pierad praceduraj aŭstralijca ahledzieli dva lekary, adzin ź jakich byŭ psichijatram, kab pierakanacca ŭ surjoznaści i dobraachvotnaści jaho namieraŭ.
Samy stary navukoviec Aŭstralii zahadaŭ chutčej pamierci na svoj 104-y dzień naradžeńnia ŭ pačatku krasavika. Hudał zajaŭlaŭ, što chacieŭ by zrabić heta na radzimie, ale ŭ krainie eŭtanazija dazvolena tolki ŭ adnym štacie i tolki dla śmiarotna chvorych ludziej. Jamu daviałosia źbirać hrošy z dapamohaj kraŭdfandynha na pajezdku ŭ Šviejcaryju razam ź siamjoj.
Čytajcie taksama: «Ja chaču pamierci»: najstarejšy vučony Aŭstralii adpraviŭsia ŭ Šviejcaryju dla eŭtanazii
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
-
Tramp vyrašyŭ pabudavać u Vašynhtonie hihanckuju tryumfalnuju arku, jakaja budzie bolšaj za paryžskuju
Ciapier čytajuć
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary