Astranomy vyznačyli, na kolki pašyrajecca naša hałaktyka kožnuju siekundu
Hałaktyka Mlečny šlach, vierahodna, praciahvaje raści z chutkaściu 500 mietraŭ za siekundu, paviedamili daśledčyki na Jeŭrapiejskim tydni astranomii i kaśmičnych navuk. Takuju vysnovu navukoŭcy zrabili, zychodziačy z nazirańniaŭ za inšymi hałaktykami, padobnymi da našaj, pieradaje EurekAlet!.
Mlečny šlach utrymlivaje ad 200 miljardaŭ da 400 miljardaŭ zorak. Dakładnyja acenki pamieru našaj hałaktyki dać davoli ciažka, bo my nie možam pahladzieć na jaje zvonku, adnak astranomy miarkujuć, što jaje dyjamietr dasiahaje 100 tysiač śvietłavych hadoŭ.
Daviedka: adzin śvietłavy hod roŭny adlehłaści, jakuju prachodzić śviatło ŭ vakuumie za 1 julijanski hod. 1 sv. hod = 9 460 730 472 580 km.
Na asnovie nazirańniaŭ, kamanda daśledčykaŭ raźličyła, što anałahi Mlečnaha šlachu rastuć ź siaredniaj chutkaściu 500 mietraŭ za siekundu.
«Mlečny šlach užo i tak dastatkova vialiki. Adnak naša praca pakazvaje, što, prynamsi, bačnaja jaho častka pavolna pavialičvajecca ŭ pamierach praz novyja zorki, jakija farmirujucca na ŭskrainach. Heta nie chutki praces, ale kali b my zmahli źlatać u budučyniu i pahladzieć na hałaktyku praz 3 miljardy hadoŭ, my b pabačyli, što jana vyrasła na 5%», — skazaŭ adzin z navukoŭcaŭ.
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»4
Kamientary