Siamiejny inkluziŭ-teatr «i» pakazaŭ najlepšy dramatyčny śpiektakl na IV Mižnarodnym konkursie «Skryžavańnie. Minsk», nabraŭšy najbolšuju kolkaść bałaŭ u adpaviednaj naminacyi. Asablivaść teatra ŭ tym, što naroŭni sa zvyčajnymi junymi akciorami ŭ im hrajuć dzieci z aŭtyzmam. Konkurs «Skryžavańni. Minsk» prajšoŭ u biełaruskaj stalicy 16—18 sakavika i sabraŭ udzielnikaŭ ź Biełarusi, Ukrainy, Litvy i inšych krain Jeŭropy.
«U konkursie «Skryžavańni. Minsk» niama asobnaj katehoryi dla inkluziŭnych teatraŭ. Padajučy zajaŭku na ŭdzieł, my ŭśviedamlali, što budziem zmahacca na roŭnych z prafiesijnymi trupami, biez akcentu na toje, što ŭ nas hrajuć dzieci z aŭtyzmam. Heta pieršy mižnarodny konkurs, u jakim my ŭziali ŭdzieł. Dla nas było važna dać našym maleńkim akcioram šaniec vystupić na vialikaj scenie pierad aŭtarytetnym žury», — adznačyła mastacki kiraŭnik teatra Iryna Puškarova.
Siamiejny inkluziŭ-teatr «i» byŭ stvorany ŭ 2016 hodzie na bazie tvorčaj studyi I. Puškarovaj. Inicyjataram jaho stvareńnia vystupiła kampanija velcom, jakaja źjaŭlajecca hienieralnym partnioram teatra.
«U samym pačatku naša padtrymka zbolšaha nahadvała avanturu. Bo ni adzin śpiecyjalist u Biełarusi nie moh dać harantyj, što tieatraterapija dapamoža asablivym dzieciam nie tolki raskryć svaje talenty, ale i, što bolš važna, nabyć karysnyja navyki dla štodzionnaha žyćcia. Tady mnohija z chłopcaŭ praktyčna nie razmaŭlali, bajalisia mocnych hukaŭ, i ŭvieś ich śviet składaŭsia z doma i baćkoŭ, — uspaminaje načalnik adździeła karparatyŭnych kamunikacyj kampanii velcom Viačasłaŭ Śmirnoŭ. — Pry dapamozie teatra jany navučylisia stasavacca z navakolnymi, mnohija zamiest navučańnia doma stali naviedvać škołu, samastojna chadzić u kramu, a značyć, u budučyni jany majuć šaniec stać paŭnavartasnymi členami hramadstva».
Na konkursie «Skryžavańni. Minsk» siamiejny inkluziŭ-teatr «i» pakazaŭ uryvak z novaha śpiektakla «Dreva kazak», jaki ŭjaŭlaje saboj sieryju mini-navieł pa tvorach Barysa Sierhunkova i Jaŭhiena Klujeva, abjadnanych temami indyvidualnaści asoby, siabroŭstva, dabryni.
Maštabnaja premjera poŭnaj viersii śpiektakla pry padtrymcy kampanii velcom adbudziecca ŭ Respublikanskim pałacy kultury vieteranaŭ 2 krasavika — u Suśvietny dzień infarmavańnia ab prablemie aŭtyzmu. Pačatak a 19.30.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary