21 lutaha ŭ mnohich krainach adznačajecca Dzień rodnaj movy. Z nahody hetaha mižnarodnaha śviata prajekt «Kinakonh» 24 i 25 lutaha ładzić u minskim kinateatry «Maskva» dadatkovyja pakazy svaich najbolš naviedvalnych filmaŭ. Heta ŭnikalnaja mahčymaść pahladzieć cudoŭnyja kinastužki, kali vy nie zmahli trapić na ich u minułym hodzie.
24 lutaha, 17:00 — «Štorm: pałajučy list»
Hetaja zachaplalnaja pryhodnickaja stužka padoryć vam samyja pryjemnyja emocyi. Jana akunaje ŭ atmaśfieru 16-ha stahodździa i nie prosta raspaviadaje pra padziei taho času, a daje pražyć ich razam z hałoŭnymi hierojami. Štorm Vuten, syn knihadrukara, stanovicca ab`iektam palavańnia z boku inkizicyi. Z dapamohaj Maryjki, zahadkavaj dziaŭčyny, jakaja žyvie ŭ padziemnych kalektarach Antvierpiena, Štorm sprabuje vyratavať svajho baćku ad viernaj śmierci.
Film pahladzieła kala 10000 čałaviek u amal jak 30 haradach Biełarusi.
25 lutaha, 17:00 — «Tajamnica Kiełza»
Šykoŭny animacyjny film, jaki raspaviadaje kazačnuju historyju, zasnavanuju na realnych padziejach 9 stahodździa ŭ Irłandyi. Stužka naminavana na premiju «Oskar» jak lepšy animacyjny film.
Chłopčyk Brendan žyvie ŭ abactvie Kiełz. Nieŭzabavie tudy prybyvaje słavuty aśvietnik Ejdan ź niejkaj tajamničaj knihaj… Razam z čaroŭnaj dziaŭčynkaj Ašlinh ź lesu i katom Ejdana Panhur Banam Brendan sprabuje zachavać knihu padčas napadu vikinhaŭ, pieramahčy zło, što chavajecca ŭ piačory ŭ lesie, i pieratvaryć ciemru ŭ śviatło.
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy15
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary