Fiziki stvaryli biasškodnuju ultrafijaletavuju lampu, jakaja zabivaje virusy hrypu i suchotaŭ
Amierykanskija fiziki stvaryli novy typ ultrafijaletavaj lampy, čyjo vypramieńvańnie źjaŭlajecca biasškodnym dla čałavieka, ale śmiarotna niebiaśpiečnym dla čaścic virusa hrypu, havorycca ŭ artykule, apublikavanym u časopisie Scientific Reports.
U adroźnieńnie ad śmiarotnaha ptušynaha i śvinoha hrypu, jaki moža pieradavacca novym achviaram tolki pry fizičnym kantakcie, «siezonnyja» raznavidnaści hrypu raspaŭsiudžvajucca pieravažna pavietranym šlacham, što dazvalaje im zaražać vielizarnuju kolkaść ludziej.
Siońnia haradskija słužby šmat jakich krain sprabujuć zmahacca z hetymi formami virusa, abiezzaražvajučy pamiaškańni, vahony mietro i sałony aŭtobusaŭ pry dapamozie ultrafijaletavych lampaŭ. Jany dobra spraŭlajucca z hetaj zadačaj, adnak u ich jość adzin vialiki niedachop: jany zabivajuć nie tolki mikroby i virusy, ale i kletki cieła čałavieka, vyklikajučy rak skury i kataraktu rahavicy voka.
Navukoŭcy z Kałumbijskaha ŭniviersiteta ŭ Ńju-Jorku znajšli aryhinalnaje rašeńnie dla hetaj prablemy, stvaryŭšy ultrafijaletavyja lampy, jakija pracujuć u dalokaj častcy ultrafijaletavaha śpiektru, na daŭžyni chvali ŭ 222 nanamietry, a nie na 254 nanamietrach, jak zvyčajnyja abiezzaražvalnyja ultrafijaletavyja lampy.
Ekśpierymienty pakazali, što navat nievialikich pa sile lampaŭ novaha typu chapaje dla taho, kab źniščyć 99% virusnych čaścic u pavietry, pry hetym nie zabivajučy kletki čałavieka.
Kali takija vypramieńvalniki buduć ustalavanyja ŭ špitalach, hramadskich miescach i ŭ transparcie, to jany, pa słovach fizikaŭ, buduć zmahacca nie tolki z epidemijami hrypu, ale i suchotami, i mnostvam inšych chvarobaŭ, jakija raspaŭsiudžvajucca pavietrana-kropielnym šlacham, što akupić vydatki na ich ustanoŭku i vytvorčaść.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary52
Kamientary