«Formuła-1» i FIA abviaścili pra zamienu tradycyjnych «hryd-hiorłz» na dziaciej — jany pavinny buduć vynosić šyldy z numarami honščykaŭ na starcie, paviedamlaje Tjournal.
U aŭtašou zmohuć uziać udzieł dzieci, jakija zajmajucca kartynham abo ŭdzielničajuć u małodšych honačnych sieryjach. Vybaram zojmucca pramoŭtary Hran Pry i nacyjanalnyja aŭtakłuby. Adbor budzie prachodzić jak pa spartyŭnych dasiahnieńniach, tak i pa vynikach łatarei.
Dzieci buduć trymać tablički nie tolki pierad startam honak, ale i na honkach padtrymki. Kamiercyjny dyrektar «Formuły-1» Šon Bratčes skazaŭ, što heta — «najlepšy sposab» natchnić novaje pakaleńnie hierojaŭ «Formuły-1».
Kiraŭnik FIA Žan Todt dadaŭ, što dziakujučy inicyjatyvie aŭtamabilnyja kłuby, jakija ŭvachodziać u FIA, atrymajuć dadatkovuju padtrymku — jany zmohuć dać maładym honščykam mahčymaść vystupić u nacyjanalnych sieryjach.
Čytajcie taksama:
Kamientary