Nacbank abvieściŭ kursy valut na 1 studzienia 2018 hoda. Štodzień (albo štomiesiac) vyznačajecca kurs biełaruskaha rubla da 78 valutaŭ śvietu.
«Naša Niva» padličyła, jakija valuty padaraželi ŭ Biełarusi macniej za ŭsio. A jakija naadvarot — rezka patańnieli.
Najvyhadniej było zachoŭvać hrošy ŭ valutach uschodniejeŭrapiejskich krain, jakija ŭstupili ŭ Jeŭrasajuz, ale nie karystajucca jeŭra. Češskaja krona i polski złoty padaražali na 21,1%. Aryjentavanyja na handal ź Jeŭrasajuzam Sierbija, Małdova, Ałbanija i Charvatyja taksama ŭmacavali svaje valuty.
Valuty, jakija najbolš padaražali ŭ 2017 hodzie ŭ adnosinach da biełaruskaha rubla
- Češskaja krona — 21,1%
- Polski złoty — 21%
- Sierbski dynar — 19,4%
- Małdaŭski lej — 16,9%
- Ałbanski lek — 16,6%
- Charvackaja kuna — 15,3%
- Jeŭra — 15,2%
- Makiedonski denar — 14,9%
- Bałharski leŭ — 14,8%
- Dackaja krona — 14,7%
Ahułam za hod padaražali 59 valut, pryčym dalar — tolki na 0,73%.
A voś aficyjnyja kursy 19 valut źmienšylisia. Pakiniem pa-za rejtynham sumy — va Uźbiekistanie paśla śmierci prezidenta Isłama Karymava byŭ naniesieny ŭdar pa čornym kursie valuty. Farmalna adbyłasia devalvacyja, ale ŭ realnaści dziaržava prosta zrabiła čorny rynkavy kurs aficyjnym.
Valuty, jakija najbolš patańnieli ŭ 2017 hodzie ŭ adnosinach da biełaruskaha rubla
- Efijopski byr — 21,4%
- Arhientynski piesa — 16,5%
- Tadžykski samoni — 10,9%
- Iranski ryjał — 10,6%
- Sudanski funt — 7,2%
- Tureckaja lira — 7,1%
- Tuniski dynar — 5,8%
- Pakistanskaja rupija — 4,8%
- Afhani — 4,2%
- Ałžyrski dynar — 2,9%.
Kamientary