Aktrysa Uma Turman, jakaja raniej admoviłasia kazać pra damahańni pradziusara Charvi Vajnštejna praz zališniuju jaraść, paabiacała raspavieści svaju historyju. Pra heta jana napisała ŭ instahramie ŭ piatnicu.
«Niadaŭna ja skazała, što była vielmi złaja, i ŭ mianie jość na heta para pryčyn, #metoo («ja taksama» — chešteh, jaki achviary damahańniaŭ stali vykarystoŭvać u sacsietkach u dopisach, dzie raspaviadajuć svaje historyi), kali vy nie zrazumieli heta pa maim tvary», — napisała Uma Turman.
Uma Turman prailustravała dopis skrynšotam ź filma «Zabić Biła», dzie jaje hierainia žorstka raspraŭlajecca sa svaimi kryŭdnikami.
Jana adznačyła, što joj treba krychu času, kab być spraviadlivaj i dakładnaj u svaich vykazvańniach.
Turman pavinšavała svaich padpisčykaŭ z Dniom padziaki, padkreśliŭšy, što nie žadaje ničoha dobraha Vajnštejnu. Jana paradavałasia, što žyćcio halivudskaha pradziusara razburajecca pavolna. «Ty nie zasłuhoŭvaješ kuli», — napisała jana.
Kamientary