Zimoŭski pra vypadak u Piečach: «Aficer by rvaŭ ž…u, a praparščykam po…j»
Były kiraŭnik Biełteleradyjokampanii Alaksandr Zimoŭski, jaki ciapier žyvie ŭ Sankt-Pieciarburhu i pracuje miedyjakansultantam, adhuknuŭsia na rezanansny vypadak u Piečach, dzie niežyvym znajšli 21-hadovaha navabranca Sašu Koržyča.
Zimoŭski šmat u čym krytykuje tyja paradki, jaki na siońniašni dzień isnujuć u biełaruskaj armii.
«U adpaviednaści ź biełaruskim vajskovym nou-chau, u ciapierašnich Piečach usie kamandziry ŭzvodaŭ praparščyki. Heta značyć, u realijach Biełarusi, heta paŭhramadzianskija asoby, jakija chodziać na pracu ad 9.00 da 18.00. Aficery navučalnaha centra naohuł nijak nie sutykajucca pa słužbie z navabrancami. Akramia jak padčas čytańnia lekcyj (sic!) pa vyvučajemych vajskovych śpiecyjalnaściach», — piša Zimoŭski.
«My majem spravu z vyčvarenstvam samoha pryncypu kamplektacyi i funkcyjanavańnia vajskovaha padraździaleńnia. Pryčym, hetaje vyčvarenstva było spuščana ŭ vojska z samaha vierchu», — miarkuje miedyjakansultant.
A što kiepskaha, što za navabrancaŭ adkazvajuć mienavita praparščyki, a nie aficery? Zimoŭski tłumačyć:
«Aficer, jaki maje žadańnie karjerna raści, abaviazany rvać ž…u. Inakš kažučy, padtrymlivać nie prosta paradak u padraździaleńni, ale imknucca zrabić jaho lepšym u bataljonie, u pałku i h.d. A dla hetaha nieabchodna ja…ć asabisty skład całkam, nie robiačy roźnicy pa terminach słužby.
Dobramu aficeru što dembiel, što sałaha — usio adno. A praparščyku po…j. Budzie jon rvać dupu ci nie, jon usio adno zastaniecca praparščykam. Tamu navošta rvać? Pravilna. Niama dla čaho».
Zimoŭski ličyć, što praparščyku dastatkova prosta bačnaści paradku ŭ padraździaleńni. Jašče adnoj važnaj postaćciu stanovicca zampalit, jaki, na dumku Zimoŭskaha, pavinien viedać pra ŭsio, što adbyvajecca ŭ čaści.
***
Kamientary