Biełaruskija zorki raspaviali, z-za čaho kampleksavali ŭ dziacinstvie — FOTY
Amierykanski televiadoŭca Ścivien Kolbier niadaŭna raspačaŭ fłešmob #PuberMe. Jon paprasiŭ znakamitaściaŭ apublikavać svaje staryja fotazdymki, kab padtrymać padletkaŭ, jakija mohuć pieražyvać praz svaju źniešnaść.
Takim čynam Ścivien jak by namiakaje: navat zorki kaliści vyhladali niazhrabna, ale ŭ ich usio atrymałasia.
Akramia hetaha, šoumen paabiacaŭ, što za kožny fotazdymak budzie pieraličvać hrošy siemjam Puerta-Ryka, jakija paciarpieli ad urahanu «Maryja». Nieviadoma, pra jakuju sumu idzie havorka, ale mnohija inicyjatyvu padtrymali.
Muzyka Poł Makartni
Akcior Arnold Švarcenehier
Hey, @StephenAtHome, here are a couple photos from my awkward teenage years for a good cause. #PuberMe #PuertoRicoRelief pic.twitter.com/aH6O9uGbun
Komik Džon Olivier
Hey, @StephenAtHome, for your #PuberMe #PuertoRicoRelief effort, I give you...the nuclear option... pic.twitter.com/0QhZYD4REU
Aktrysa Lena Danem
.@nickkroll Hope pimple in the middle of my forehead doesn't distract too much from my (actual) hairless kitten #PuberMe #puertoricorelief pic.twitter.com/vLAPltuIlJ
Aktrysa Kiejt Chadsan
Akcior Kievin Śmit
Dear @StephenAtHome: Here is my circa 1986 #PuberMe pic to help with #PuertoRicoRelief. At age 16, I'm not a clerk, not yet mallrat... pic.twitter.com/ZyxnQ3l2eC
Nie viedajem, ci ŭbačyć Ścivien biełaruski praciah fłešmobu, ale my paprasili našych viadomych ludziej taksama padzialicca archiŭnymi fotazdymkami. Niekatoryja voś pahadzilisia.
Aktrysa Viera Palakova-Makiej
Žonka ministra zamiežnych spraŭ pryznałasia, što ŭ padletkavym uzroście vielmi kampleksavała praź lišniuju vahu. U 16 hadoŭ jana pastupiła na akciorskaje adździaleńnie Akademii mastactvaŭ i zadałasia metaj schudnieć: atrymałasia skinuć až 18 kiłahramaŭ. Viera pryznajecca, što z tych časoŭ praca nad ciełam dla jaje nie spyniałasia, praciahvajecca jana i siońnia.
Piśmieńnik Viktar Marcinovič
Na fota źleva Viktar u rodnaj vioscy, Małmyhach, vučycca kiravać svaim pieršym u žyćci kambajnam «Niva». «Tut ja kampleksuju nie tolki praz svaju źniešnaść, ale i praz šapku z pamponam».
Muzyka Lavon Volski
Lavon nikoli asabliva nie kampleksavaŭ, tamu prosta pahladzicie, jak jon źmianiŭsia.
Mastak Andruś Takindanh
«Na zdymku ja jašče mały, ale ŭ junactvie pieražyvaŭ, što vałasy kučaravyja i niemahčyma adhadavać ich daŭhimi, kab treści patłami na rok-kancercie».
Dyjetołah Iryna Kabasakał
«Na fota źleva mnie 7 hadoŭ, ja tady była vielmi chudoj, ź siniakami pad vačyma, ale mianie nichto asabliva nie dražniŭ mienavita praź źniešnaść. Chłopčyki lubili ździekvacca prosta tak: plunuć u harbatu, naprykład. U adkaz ja vylivała hety kipień im na hałavu. Dziaŭčynki mahli prylapić da maich vałasoŭ žujku, a ja — razadrać im tvar. Karaciej, ja mahła za siabie pastajać, choć i nie była supierupeŭnienaj u sabie».
Kamientary