Krychu bolš za hod tamu Juryj Šaŭčuk pryznaŭsia, što pracuje nad ekśpierymientalnym prajektam, dziela jakoha adkłaŭ padrychtoŭku novaha materyjału: muzyčnym ekskursam u doŭhuju i praduktyŭnuju historyju DDT. 15 listapada biełarusy zmohuć ubačyć, što z hetaha vyjšła: hurt pradstavić u «Minsk-Arenie» prahramu «Historyja huku». Kvitki ŭžo ŭ prodažy.
Nazva vialikaha kancertu simvaličnaja: u im sabranyja pieśni z roznych epoch, pačynajučy z 80-ch hadoŭ minułaha stahodździa i zakančvajučy sučasnaściu. Uvieś hety čas hučańnie hurta źmianiałasia: stanaviłasia to liryčnym, to bolš naporystym. Juryj Juljanavič i kamanda ekśpierymientavali z muzyčnymi stylami — ad rytm-end-bluzu da indastryjał. Hučańnie było roznym, ale hałoŭnaje, za što hladač lubić DDT, zastałosia niaźmiennym: cikavaść i luboŭ da čałavieka, jaki žyvie ŭ najnoŭšyja časy pieramienaŭ. Prychilnikam kalektyvu ŭdasca aśviažyć u pamiaci roznyja histaryčnyja viechi dziakujučy kampazicyjam, mnohija ź jakich užo daŭno nie vykonvalisia ŭžyvuju.
«My rady, što prahrama adbyłasia, — kaža lidar hurta, — u nas źjaviłasia mahčymaść pašyryć miežy sensaŭ i zrabić našy muzyčnyja pali ekśpierymientalnymi. Hałoŭnaja zadača — źmiaścić usie pieśni, jakija my chočam syhrać, u miežach adnaho kancertu».
U naźvie prahramy zakładzieny i jašče adzin sens, bolš hłyboki. Jak tłumačyć Juryj Šaŭčuk:
«Naša žyćcio — heta historyja huku, i huk dla nas šmat značyć. Pieršaje, što my pačuli, heta bićcio serca našaj maci. A kali my jechali z Orska, pa stepach, mnie mroiŭsia huk koniej, dzikaha pola, ptušak, kali jašče nie było čałavieka i chadzili mamanty. A potym pryjšoŭ čałaviek i pryŭnios u śviet zusim inšy huk — časam strašny, časam dziŭny, čaroŭny, harmaničny».
Krytyki kažuć, što šou pryśviečana maleńkamu čałavieku: tamu, na što jon zdolny, i čamu jon varty nie žalu, a pavahi. Hety lejtmatyŭ prachodzić skroź tvorčaść hurta, ad samych pieršych da samych novych piesień.
Hledačy, jakim užo paščaściła pabyvać na «Historyi huku», akramia lehiendarnaha hučańnia DDT, adznačajuć mocnuju scenahrafiju: na vielizarnym ekranie demanstrujucca staranna padabranyja archiŭnyja kadry z historyi krainy i samoha hurta. A padčas vykanańnia pieśni «Viecier», pryśviečanaj pamiaci rok-muzykaŭ, jakija pajšli z žyćcia, ich partrety źmianiajucca adzin za adnym.
U prahramie hučyć i mnostva inšych chitoŭ roznych hadoŭ: «Roždiennyj v SSSR», «Hłaziŝa», «V pośledniuju osień», «Eto vsie», «Prośvistieła», «Rodina» — usiaho bolš za 30 kampazicyj.
DDT vystupiać u Minsku z prahramaj «Historyja Huku» 15 listapada ŭ «Minsk-Arenie». Pačatak a 20:00. Kvitki ŭžo ŭ prodažy.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy20
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary