Łukašenka razmaŭlaŭ u viertalocie pa pravadnym telefonie. Heta mahčyma?
Alaksandr Łukašenka 20 žniŭnia kantralavaŭ chod uboračnaj kampanii z pavietra.
Pry hetym na fota vidać, jak kiraŭnik Biełarusi trymaje ŭ rukach słuchaŭku ad zvyčajnaha, zdavałasia b, pravadnoha telefona. I ŭsio b ničoha, kali nie toj fakt, što znachodzicca Łukašenka na borcie viertalota.
«Naša Niva» parazmaŭlała z ekśpiertami, jakija patłumačyli, što heta za telefon i jak jon pracuje.
Chutčej za ŭsio, kiraŭnik krainy razmaŭlaje pa spadarožnikavym telefonie — śpiecyjalnaj pryładzie, jakaja pieradaje infarmacyju napramuju praz admysłovy kamunikacyjny spadarožnik, tym samym zabiaśpiečvajučy nadziejnuju suviaź navat tam, dzie niama ni zvyčajnych pravadnych, ni sotavych sietak suviazi.
Spadarožnikavy telefon, jak i zvyčajny mabilny, absłuhoŭvajecca kampanijami-apieratarami (Inmarsat, Globalstar, Iridium ci inšyja). Ź jaho možna patelefanavać jak na inšyja spadarožnikavyja telefony, tak i na zvyčajnyja haradskija i mabilnyja telefony lubych standartaŭ.
Pravady viaduć da śpiecyjalnaje pryłady, jakaja ŭstaloŭvaje suviaź sa spadarožnikam.
Darečy, dziakujučy spadarožnikam u pasažyraŭ samalotaŭ ciapier jość mahčymaść vychadu ŭ internet. Avijakampanii ŭsio čaściej prapanujuć biaspłatny abo (čaściej za ŭsio) płatny vaj-faj.
Padklučeńnie da internetu na borcie zabiaśpiečvajecca praz hieastacyjanarnyja spadarožniki na arbicie, jakija pieradajuć dadzienyja z naziemnych stancyj na resiviery. Na spadarožnikach ŭstalavana mnostva par retranślataraŭ, asobna dla pryjomu i pieradačy sihnału. Dla taho, kab pamiž samalotam i spadarožnikam naładziłasia suviaź, na borcie mantujecca śpiecyjalnaja antena. Chutkaść internetu praz spadarožnik varjirujecca ŭ miežach 12 Mbit/s.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje24
Kamientary