«Hruzinskaja Ibica» ŭ centry Minska

 Fiestyval elektronnaj muzyki z Hruzii ŭpieršyniu projdzie ŭ Biełarusi.

Pavialičyć

U subotu, 2 vieraśnia, na adnu noč Minsk pieratvorycca ŭ maštabny fiestyval hruzinskaj elektronnaj muzyki, a tancy ŭ histaryčnym centry horada ŭpieršyniu praciahnucca da poŭnačy. Modnyja dydžei, rezidenty «miascovaj Ibicy», pahruziać płošču Svabody i susiednija vulicy ŭ rytmy kłubnaha Tbilisi — novaha centra techna-ruchu.

Viečaryna projdzie ŭ miežach «Tbilisoba Baržomi 2017» — festu hruzinskaj kultury, jaki sioleta stanie prezientacyjaj atrybutaŭ sučasnaj Hruzii: dziorzkaj mody, vuličnaj ježy i muzyki da ranicy.

Bolš za 300 dydžejaŭ i tysiačy prychilnikaŭ techna-muzyki hetym letam sabralisia na samym maładziožnym kurorcie Hruzii — Akchalii, kab tancavać i kachać na najbujniejšym fiestyvali na Čornym mory GEM Fest, a jašče raniej, u Centry kaśmičnych zbudavańniaŭ, prajšoŭ šumny 4GB Fest — elektronnaja muzyka stała takim ža simvałam sučasnaj Hruzii, jak tradycyjnyja tancy i vino.

U pieršyja vychodnyja vosieni «hruzinskaja Ibica» na adnu noč pierajedzie ŭ Minsk. 2 vieraśnia modnyja elektronščyki vystupiać na 3-m fiestyvali hruzinskaj kultury «Tbilisoba Baržomi 2017» i ŭpieršyniu pieratvorać centr Minska ŭ kłubny tancpoł pad adkrytym niebam.

DJ Lasha Guruli na scenie amal 13 hadoŭ. Jon zaličvaje siabie da druhoha pakaleńniu hruzinskich dydžejaŭ, tych, chto nie ździajśniaŭ pamyłak pieršaadkryvalnikaŭ, a zmoh u tvorčaści abjadnać samabytnaść i modnyja tendencyi. Nieadnarazovy ŭdzielnik hučnaha GEM Fest na plažach Čornaha mora, pamiataje samyja pieršyja viečarynki Hruzii, ź jakich i pačałasia cikavaść da miascovaj techna-sceny: Kiketi Open Air, Tbilisi-Batumi i 4GB Fest. Byŭ hościem Respubliki Kazantip i, zdajecca, adznačyŭsia na ŭsich kłubnych placoŭkach Hruzii.

Inšy zaŭsiodnik viačerniaj tusoŭki Tbilisi — Nika Amirejibi. Jaho tvorčaść stała pieraasensavańniem daŭniaj lubovi hruzinskaha naroda da tancaŭ. Jak Italija, jakaja zachoŭvaje tradycyi dyska, a Francyja zastajecca zakanadaŭcam mody, Hruzija stała lidaram u śviecie tancavalnaj muzyki, dapaŭniajučy kłubny bit šmathałosymi i nacyjanalnymi matyvami. I Nika — adzin ź lutych ekśpierymientataraŭ.

Pad muzyku hruzinskich artystaŭ na hałoŭnaj tusovačnaj vulicy Minska projdzie pakaz madeljeraŭ, jakija zajavili pra siabie na Tbilisi Fashion Week 2017. Siarod udzielnikaŭ — Kachabier Cyskarydze — znakavaja fihura ŭ sučasnaj hruzinskaj kultury, čyj elektra-fołk «hojdaŭ» placoŭki łondanskich i bierlinskich kłubaŭ, a ciapier artyst ździvić Minsk novymi talentami — ekstravahantnym modnym pakazam. U pierapynkach pamiž tancami haściam festu prapanujuć hulni z «Banki zadavalnieńniaŭ Baržomi».

Viečaryna pačniecca a 22-00, i stanie moładzievym praciaham dzionnaj prahramy «Tbilisoba Baržomi 2017», kali na płoščy Svabody i Zybickaj adkryjuć vialiki hruzinski fudkort, buduć vystupać vuličnyja muzyki, a dla dziaciej pabudujuć hruzinski sałamiany haradok, dzie možna hulać, tvaryć i fatahrafavacca.

«Tbilisoba Baržomi 2017» zadaje trend na nacyjanalnyja śviaty ŭ Vierchnim horadzie, pryciahvajučy novuju aŭdytoryju. Arhanizataram fiestyvalu vystupaje Minharvykankam, meryja Tbilisi, Pasolstva Hruzii ŭ Respublicy Biełaruś i hruzinskaje kulturna-aśvietnickaje tavarystva «Mamuli». Uvachod na «Tbilisoba Baržomi 2017» svabodny, z 12:00 da 24:00.

• 0
• 0
• 0
• 0
• 0
• 0
• 0
• 0