Statkieviču prysudzili 15 sutak aryštu. Jon pačakaje, kali pa jaho pryjduć, bo raptam «nie budzie miesca»
Jak stała viadoma spring96.org, jašče 9 žniŭnia ŭ sudzie Leninskaha rajona Minska adbyŭsia razhlad administracyjnaj spravy pa č. 3 art. 23.34 KaAP u dačynieńni da palityka Mikałaja Statkieviča za ŭdzieł u mirnaj akcyi pratestu 3 lipienia.
Sudździa Julija Kaviaka razhladzieła spravu ŭ adsutnaść abvinavačanaha, pastanovu sudu Mikałaj Statkievič atrymaŭ pa pošcie.
Vina palityka pa rašeńni suda paćviardžajecca pakazańniami śviedkaŭ-milicyjantaŭ Kazłova A. i Ryžankova M., piśmovymi materyjałami spravy i zaklučajecca ŭ tym, što jon pryniaŭ aktyŭny ŭdzieł u mitynhu ŭ składzie hrupy hramadzian biez dazvołu Minharvykankama 3 lipienia na Kastryčnickaj płoščy ŭ Minsku, z metaj publičnaha abmierkavańnia admieny vajennych vučeńniaŭ «Zachad-2017» i vyzvaleńnia palitźniavolenych.
Sudździa vyniesła pastanovu ab pryciahnieńni Mikałaja Statkieviča da administracyjnaha aryštu terminam na 15 sutak, jaki budzie adličvacca ad momantu zatrymańnia. Pakul što palityk znachodzicca na svabodzie.
Statkievič paćvierdziŭ Radyjo Svaboda, što asudžany na aryšt, ale ciapier znachodzicca na voli.
«Viedajecie, pa-pieršaje, heta źniavažalna, — adkazvaje Statkievič na pytańnie, pojdzie jon sam adbyvać źniavoleńnie ci budzie čakać aryštu. — A pa-druhoje, jany sami vybieruć momant. Kali nie zachočuć, to skažuć «miescaŭ niama», heta ŭžo było».
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary