Žychar Viciebsku za ździek ź dziaržaŭnaha ściaha Biełarusi prysudžany da štrafu ŭ 80 bazavych vieličyń, paviedamiŭ BIEŁTA staršy pamočnik prakurora horada Viciebska Siarhiej Urbanovič.
Sud Pieršamajskaha rajona horada Viciebska pryznaŭ 44-hadovaha mužčynu vinavatym u tym, što viečaram 2 maja jon sarvaŭ dziaržaŭny ściah Biełarusi, a zatym schavaŭ ślady svajho złačynstva. Vyjaŭlena, što mužčyna, užo budučy pjanym, nabyŭ śpirtnoje ŭ adnoj z charčovych kramaŭ i prachodziŭ mima dziaržaŭnaha ściaha, vyviešanaha la hałoŭnaha ŭvachodu ŭ honar 1 i 9 Maja. Mužčyna paciahnuŭ ściah, parvaŭšy jaho, a taksama vyrvaŭ dreŭka z macavańnia, na jakoje było prymacavanaje pałotnišča. Apošniaje jon sarvaŭ i kinuŭ na ziamlu, sabie pad nohi. Zajšoŭ za vuhał doma, ale nieŭzabavie viarnuŭsia, kab schavać ślady — zabraŭ ściah z saboj i ŭciok ź miesca zdareńnia.
Nieŭzabavie milicyjanty vyśvietlili asobu padazravanaha, a ŭ kvatery jaho znajomaj znajšli pałotnišča ściaha. Pa dadzienym fakcie 29 maja prakuratura Viciebska zaviała kryminalnuju spravu pa art. 370 KK (ździek ź dziaržaŭnaha ściaha). Sud pryznačyŭ pakarańnie ŭ vyhladzie štrafu ŭ 100 bazavych vieličyń, ale z ulikam taho, što abvinavačany ŭžo pravioŭ dvoje sutak pad vartaj, pamienšyŭ sumu da 80 bazavych (1840 rubloŭ).
Prysud pakul nie ŭstupiŭ u zakonnuju siłu.
Kamientary