Kiraŭnik Čačni Ramzan Kadyraŭ daŭ pieršaje za mnohija hady intervju pradstaŭniku zachodnich ŚMI, piša VVS.
Jon pahadziŭsia na hutarku z redaktaram spartovaha adździeła amierykanskaha kabielnaha telekanała HBO Devidam Skotam, jaki ŭ tym liku zadaŭ jamu pytańnie ab stanoviščy z pravami ŁHBT u Čačni i paprasiŭ prakamientavać paviedamleńni ab katavańniach i pakarańniach śmierciu hiejaŭ u respublicy.
U adkaz Kadyraŭ zajaviŭ, što «heta ŭsio hłupstva» i ŭ Čačni naohuł niama hiejaŭ.
«A kali jość, zabiarycie ich u Kanadu, chvała Ałachu, dalej ad nas… kab ačyścić kroŭ», — dadaŭ jon.
Kadyraŭ nazvaŭ homaseksuałaŭ šajtanami i zajaviŭ: «Jany nieludzi. I budź jany praklatyja za toje, što jany na nas nahavorvajuć».
Na nastupnaje pytańnie, ci ličyć Kadyraŭ ZŠA voraham svajoj krainy, toj adkazaŭ, što Amieryka viadzie antyrasijskuju palityku suprać kiraŭnictva krainy, ale nie źjaŭlajecca dastatkova mocnaj krainaj, kab ličyć jaje voraham Rasii.
«U nas jość mocnaja dziaržava i jadziernaja dziaržava. Navat kali naš urad budzie całkam źniščany, tudy palaciać našy rakiety. My ŭvieś śviet pastavim rakam», — zajaviŭ kiraŭnik Čačenskaj Respubliki.
-
Litva pieradała ŭ Mižnarodnuju arhanizacyju cyvilnaj avijacyi dadatkovyja dokazy praviadzieńnia Biełaruśsiu hibrydnych atak
-
U Luksiemburhu ekshumavali prach kolišniaha kiraŭnika AUN, jaho pierapachavajuć va Ukrainie
-
U ZŠA mužčyna zahinuŭ u mietro paśla taho, jak jaho zaciahnuła ŭ eskałatar. Bolš za 20 chvilin jamu nichto nie dapamahaŭ
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna5
Kamientary