21 lipienia ŭ Kijevie adbudziecca ŭkraina-biełaruski ekanamičny forum pry ŭdziele prezidenta Ukrainy Piatra Parašenki i prezidenta Biełarusi Alaksandra Łukašenki. Pra heta paviedamlaje Handlova-pramysłovaja pałata Ukrainy ŭ Facebook.
U chodzie mierapryjemstva adbudziecca plenarnaja častka, na jakoj budzie abmiarkoŭvacca stan, pierśpiektyvy i pryjarytetnyja napramki ŭkraina-biełaruskaha ekanamičnaha i inviestycyjnaha supracoŭnictva, umovy i pieravahi viadzieńnia biźniesu va Ukrainie i Biełarusi.
«Padčas forumu taksama adbudziecca čarhovaje pasiadžeńnie ŭkraina-biełaruskaj kansultatyŭnaj radyi B2B-pieramovy pamiž pradstaŭnikami dziełavych kołaŭ Ukrainy i Biełarusi», - havorycca ŭ zajavie HPP Ukrainy.
Nahadajem, Piatro Parašenka pabyvaŭ u Biełarusi z aficyjnym vizitam u kancy krasavika 2017 hoda. Razam z Alaksandram Łukašenkam jon naviedaŭ Čarnobylskuju AES i chram u ahraharadku Laskavičy, dzie dva prezidenty zapalili śviečki ŭ pamiać ab achviarach čarnobylskaj avaryi. Padčas vizitu Parašenka paviedamiŭ, što Łukašenka pryniaŭ jaho zaprašeńnie naviedać Kijeŭ letam hetaha hoda, adnak dakładnyja daty vizitu nie ahučvalisia
Kamientary